ساپار تۋرالى باسقا مالىمەت بەرمەدى.

ول سونىمەن بىرگە توقاەۆ پۋتين ۇقشۇ اسكەرىن قازاقستانعا جىبەرەر الدىندا قانداي دا ءبىر شارت قويدى ما دەگەن سۇراققا “كەيىن ەسەپتەسىپ الامىز دەگەن ەشقانداي كەلىسىم بولمادى”،– دەپ جاۋاپ بەردى.

قازاقستان پرەزيدەنتى ۇقشۇ اسكەرى ەلدە ءبىر دە ءبىر وق اتپادى، تەك ماڭىزدى نىسانداردى قورعادى دەدى.

توقاەۆتىڭ پىكىرىنشە، قاڭتارداعى تارتىپسىزدىكتى “كاسىبيلەر” ۇيىمداستىرعان. بەيبىت ميتينگدەر جوسپاردىڭ ءبىر بولىگى بولعان. بىراق ول "كاسىبيلەردىڭ" كىم ەكەنىن ايتپادى. ول تارتىپسىزدىكتەن كەيىن كوبى الماتىدان شىعىپ كەتكەنىن جانە كەيبىرى جاسىرىنىپ قالعانىن جەتكىزدى.

قازاقستاندا نارازىلىق تولقىنى 2 قاڭتاردا باستالعان. ول ماڭعىستاۋ وبلىسىندا جانە جاڭاوزەن قالاسىندا سۇيىتىلعان گاز باعاسىن ارزانداتۋدى تالاپ ەتكەن ميتينگتەن باستالعان. كەيىن بۇل ساياسي رەڭ الىپ، الماتى مەن باسقا قالالاردا جالعاستى.

قاسىم-جومارت توقاەۆ نارازىلىققا شىققانداردى “حالىقارالىق دەڭگەيدە دايىندىقتان وتكەن تەرروريستەر” دەپ اتاپ، “ەسكەرتۋسىز وق اتۋعا بۇيرىق بەرگەنىن” ايتقان. الماتىعا “20 مىڭداي تەرروريست كەلگەنىن” مالىمدەگەن. وسىعان بايلانىستى ۇجىمدىق قاۋىپسىزدىك شارت ۇيىمىنىڭ اسكەرى قازاقستانعا كىرىپ، جاعداي تۇراقتالعاننان كەيىن قايتا شىعىپ كەتتى.

قاندى قىرعىن كەزىندە 227 ادامنىڭ ولگەنى حابارلاندى. 10 مىڭعا جۋىق ادام ۇستالعانى، 700-دەن استامىنا قىلمىستىق ءىس قوزعالعانى ايتىلدى.

Abai.kz