قازىر زامان وزگەردى. زامانمەن بىرگە ادام دا وزگەردى. جيىرما ءبىرىنشى عاسىردا قازاق ازاماتتارىنىڭ، سونىڭ ىشىندە جاستاردىڭ قازاقى نامىستارىنىڭ ويانۋى مەن سەرپىلگەنىنە شۇكىرشىلىك ايتۋىمىز كەرەك. اسىرەسە، كەزىندە كەڭەس وداعى تىرناعىن اياماي باتىرعان سولتۇستىك ايماقتاردا. ول ۇلتتىق قۇندىلىقتارىمىزدى تۇگەندەۋ بارىسىندا تاپتىرمايتىن قادام ەكەنىن ايتپاسا دا تۇسىنىكتى بولار. بىراق ۇلتتىق بوياۋىمدى اسىرامىن، بابادان قالعان مۇرانى جاڭعىرتامىن دەپ جەلپىنگەن جاستاردىڭ جولىنا بوگەت بولار كەدەرگىلەر دە كولدەنەڭ جولىعۋدا. ارينە، قازاقتىعىمىزدى دالەلدەيتىن بولشەكتەردىڭ ءبىرى ۇلتتىق كيىم ەكەنى داۋسىز. بۇرىندارى تەك قانا ۇلىستىڭ ۇلى كۇنى ناۋرىزدا، يا بولماسا ءتۇرلى كونتسەرتتەردە عانا ويۋلى شاپان جامىلىپ، كەستەلى كويلەك كيگەندەردى كورەتىنبىز. قازىرگى ۋاقىتتا كوشەدەن دە يىقتارىنا شاپان جامىلعان اقساقالدار مەن كيمەشەك كيگەن اجەلەرىمىزدى ءجيى ۇشىراتامىز. سونىمەن قاتار جاستار دا زامانۋي كوستيۋمدەرىنىڭ ارقاسىنا يا بولماسا جاعا-جەڭىنە ويۋ سالۋدى "موداعا" اينالدىردى. ول ءۇشىن قۋانۋ قاجەت. بىراق اتتەگەن-اي ايتىپ، سان سوعاتىن دا جاعدايلار جوق ەمەس.

قازىر زامان وزگەردى. زامانمەن بىرگە ادام دا وزگەردى. جيىرما ءبىرىنشى عاسىردا قازاق ازاماتتارىنىڭ، سونىڭ ىشىندە جاستاردىڭ قازاقى نامىستارىنىڭ ويانۋى مەن سەرپىلگەنىنە شۇكىرشىلىك ايتۋىمىز كەرەك. اسىرەسە، كەزىندە كەڭەس وداعى تىرناعىن اياماي باتىرعان سولتۇستىك ايماقتاردا. ول ۇلتتىق قۇندىلىقتارىمىزدى تۇگەندەۋ بارىسىندا تاپتىرمايتىن قادام ەكەنىن ايتپاسا دا تۇسىنىكتى بولار. بىراق ۇلتتىق بوياۋىمدى اسىرامىن، بابادان قالعان مۇرانى جاڭعىرتامىن دەپ جەلپىنگەن جاستاردىڭ جولىنا بوگەت بولار كەدەرگىلەر دە كولدەنەڭ جولىعۋدا. ارينە، قازاقتىعىمىزدى دالەلدەيتىن بولشەكتەردىڭ ءبىرى ۇلتتىق كيىم ەكەنى داۋسىز. بۇرىندارى تەك قانا ۇلىستىڭ ۇلى كۇنى ناۋرىزدا، يا بولماسا ءتۇرلى كونتسەرتتەردە عانا ويۋلى شاپان جامىلىپ، كەستەلى كويلەك كيگەندەردى كورەتىنبىز. قازىرگى ۋاقىتتا كوشەدەن دە يىقتارىنا شاپان جامىلعان اقساقالدار مەن كيمەشەك كيگەن اجەلەرىمىزدى ءجيى ۇشىراتامىز. سونىمەن قاتار جاستار دا زامانۋي كوستيۋمدەرىنىڭ ارقاسىنا يا بولماسا جاعا-جەڭىنە ويۋ سالۋدى "موداعا" اينالدىردى. ول ءۇشىن قۋانۋ قاجەت. بىراق اتتەگەن-اي ايتىپ، سان سوعاتىن دا جاعدايلار جوق ەمەس.
سوڭعى ۋاقىتتاردا پاۆلودار قالاسىندا ءتۇرلى تويلارعا، اسىرەسە ۇيلەنۋ سالتاناتىنا كەلىندەردىڭ قازاقشا كويلەك كيۋى ەتەك الدى. ول قۇپتارلىق قۇبىلىس. بىراق سول كەلىندەردىڭ كوبىسى قالانىڭ قاپتاعان كيىم دۇكەندەرىنەن تاباندارىنان تاۋسىلىپ ءجۇرىپ ويۋ سالىنعان كيىم تابا المايتىنىنا نە دەرسىڭ. قازىرگى كۇنى ايماقتا "رايسا" ءسان تەاترى، "ۆەرنيساج", "ستيل" سەكىلدى قالاۋىڭ بويىنشا ءتۇرلى ۇلتتىق كيىمدەر تىگەتىن ورتالىقتار بار. بىراق بارلىعىندا بىردەي كەلىننىڭ ساۋكەلەلى كويلەكتەرىن تابا المايسىڭ. تاپقان كۇننىڭ وزىندە سۇڭعاق بويلى ءسان كورسەتەتىن بىزبيكەلەرگە ارنالعان. ءاربىر ۇيگە تۇيەنىڭ توبەسىنەن سيپايتىنداي كەلىن بۇيىرا بەرمەسى انىق. بۇيىرعان كۇننىڭ وزىندە لايىقتى كويلەكتەرىنە قول جەتكىزە المايدى. سەبەبى كەلىن كويلەكتەرىنىڭ سانى مەن ءتۇرى شەكتەۋلى. ياعني اسسورتيمەنت از. ال جارىتىپ بوي بەرمەگەن كەلىندەردىڭ كوڭىلى ءپاس بولماسىنا لاجى قالمايدى. بۇگىنگى كۇنى ءتۇرلى اتەلەلەردە قازاقى كەلىن كويلەكتەرى جوق ەمەس بار، بىراق از. سول سەكىلدى باعاسى دا ەستىگەن قۇلاقتى شىڭىلداتىپ، باسىڭدى اينالدىرادى. ماسەلەن، ءبىر كەلىندى قازاقى ويۋى بار "شۇبەرەكپەن" "قاپتاۋ" ءۇشىن جالعا الۋعا قالتاڭنان كەمىندە 20-30 مىڭ تەڭگە سۋىرىپ بەرەسىڭ. ال ساتىپ العىڭ كەلسە نەمەسە تىكتىرۋگە تاپسىرىس بەرسەڭ وندا قوراداعى قۇنانىڭدى ساتۋعا تۋرا كەلەدى. وسىنىڭ بارلىعى توي سالتاناتىندا ۇلتتىق ناقىشتا كيىنەمىن دەگەن جاستاردىڭ جانىن جاسىتىپ تۇرعانى جاسىرىن ەمەس. ارينە، قالاداعى ءتۇردى مادەني وشاقتاردا كيىم تابىلادى. بىراق ساحناعا شاقتالعان كيىمدى كەز كەلگەن كەلىن كيىپ، قايىن جۇرتىنىڭ الدىنا شىقپاسى انىق. ونىڭ ۇستىنە كوبىسىنىڭ بوياۋى شىعىپ كەتكەن. وسىنىڭ بارلىعى بولاشاعىن ويلاعانداردىڭ قادامىنا بالتا شاۋىپ تۇر.
ءبىر قىزىعى، قالادا ۇيلەنۋ تويى سالوندارى جەتەرلىك. بارساڭ بولدى قۇس سۇتىنەن باسقاسىن تابۋىڭا جول اشىق. ەۋروپالىق كويلەكتەردىڭ ءتۇر-ءتۇرى، فاتاڭىزدان كەۋدەڭە قادايتىن گۇل شوعىنا دەيىن بار. تەك اقشاڭ بولسىن، قالاعانىڭدى قانجىعاڭا باس. ال ۇلتتىق كيىم سالوندارى اتىمەن جوق. سوندىقتان دا ۇلتىم دەگەن جاستار باس قۇراعاندا ءار ەسىكتەن سىعالاپ جۇرۋگە ءماجبۇر. ارينە، بۇل بيزنەس ەكەنى داۋسىز. ءبىر سوزبەن قايىرعاندا قالادا ۇلتتىق كيىم ۇلگىلەرىمەن اقشا تاپقىسى كەلەتىندەر جوق سەكىلدى. قايسىسىمەن سويلەسسەڭ دە ءتيىمسىز دەيدى. بىراق قازىرگى جاستار تويىندا قازاقشا كيىنگىسى كەلەتىنىن ەسكەرسەك، ونىڭ بارلىعى تەك سىلتاۋ سەكىلدى بولىپ كورىنەدى. ايماقتا ىزدەپ تاپپايتىن ۇلتتىق كيىمدەردىڭ ازدىعى ۇياتتى جاعداي ەكەنى وزىمىزگە سىن.

بەيبىت بوجەن، پاۆلودار قالاسى
“ايقىن” گازەتى