پرەزيدەنت قاسىم-جومارت توقاەۆ «حابار 24» ارناسىنا بەرگەن سۇحباتىندا ەكس-پرەزيدەنت نازارباەۆپەن «قول سۇعىلماۋشىلىق» ماسەلەسى جونىندە ەكەۋارا ساۋدا بولعان-بولماعانى جايلى ايتىپتى.

«نازارباەۆپەن ەشقانداي ساۋدالاسۋ بولعان جوق. جەكە باسىنىڭ ارتىقشىلىقتارى تۋرالى دا اڭگىمەلەسۋ بولعان جوق. مەن شۇعىل قابىلداعان ءبىر شەشىم – قاۋىپسىزدىك كەڭەسىنىڭ توراعالىعى فۋنكتسياسىن قابىلداپ الۋىم. ەلدەگى جاعداي ۋشىعىپ كەتكەندە، جاسىرمايمىن، مەن نازارباەۆقا حابارلاسىپ ايتتىم. «حالىققا سول ساتتەن باستاپ قاۋىپسىزدىك كەڭەسىنىڭ تىزگىنىن ءوزىم العانىمدى جاريالايمىن»، - دەپ ەسكەرتىم. بۇل ماسەلە شۇعىل، سولاي شەشىلدى»، - دەيدى پرەزيدەنت توقاەۆ.

ەسكە سالا كەتەيىك، 28 قاڭتار كۇنى «نۇر وتان» پارتياسىنىڭ سەز ءوتتى. وندا پرەزيدەنت توقاەۆ ەكس-پرەزيدەنت نۇرسۇلتان نازارباەۆتىڭ ەل تاريحىنداعى ءرولى تۋرالى ايتقان.

Abai.kz