Президент Қасым-Жомарт Тоқаев «Хабар 24» арнасына берген сұхбатында экс-президент Назарбаевпен «қол сұғылмаушылық» мәселесі жөнінде екеуара сауда болған-болмағаны жайлы айтыпты.

«Назарбаевпен ешқандай саудаласу болған жоқ. Жеке басының артықшылықтары туралы да әңгімелесу болған жоқ. Мен шұғыл қабылдаған бір шешім – Қауіпсіздік кеңесінің төрағалығы функциясын қабылдап алуым. Елдегі жағдай ушығып кеткенде, жасырмаймын, мен Назарбаевқа хабарласып айттым. «Халыққа сол сәттен бастап Қауіпсіздік кеңесінің тізгінін өзім алғанымды жариялаймын», - деп ескертім. Бұл мәселе шүғыл, солай шешілді», - дейді президент Тоқаев.

Еске сала кетейік, 28 қаңтар күні «Нұр Отан» партиясының сьез өтті. Онда президент Тоқаев экс-президент Нұрсұлтан Назарбаевтың ел тарихындағы рөлі туралы айтқан.

Abai.kz