1 اقپاندا بۇرىنعى پرەمەر-مينيستر يگور چۋدينوۆتان تا اتالعان ءىس بويىنشا جاۋاپ الىنعانى ءمالىم بولدى.
ونىڭ الدىندا جوگوركۋ كەڭەشتىڭ قازىرگى دەپۋتاتى، ء"بۇتۇن كىرگىزستان" فراكتسياسىنىڭ ليدەرى اداحان مادۋماروۆ تا بىرنەشە رەت جاۋاپ بەرگەن. ول 2009 جىلى قاۋىپسىزدىك كەڭەسىنىڭ حاتشىسى بولىپ تۇرعاندا قول قويعان قاۋلىعا بايلانىستى 14 قاڭتاردا كۋاگەر رەتىندە تارتىلعان.
بۇل قاۋلى توعىز بولىكتەن تۇرادى. وندا وش - باتكەن - يسفانا جولىن جوندەۋ جانە كوپىر سالۋ ءۇشىن 275 مەتر قاشىقتىقتاعى بەس گەكتار جەردى تاجىكستاننان 49 جىلعا جالعا الۋ ماسەلەسى قامتىلعان.
دەپۋتات قۇجات قازىر زاڭدىق كۇشكە يە ەمەس ەكەنىن ايتىپ، سوڭعى وقيعالاردى ءوزىنىڭ ساياسي جۇمىسىمەن بايلانىستىرىپ كەلەدى.
تاجىكستاننىڭ سوعدى وبلىسىنىڭ باسشىسى راجاببوي احمادزودا 31 قاڭتاردا جاساعان مالىمدەمەسىندە جولدىڭ بۇل ۋچاسكەسى و باستان تاجىك جەرى ەكەنىن جانە كورشىلەردىڭ تالاستى ايماق دەپ اتاۋعا قۇقىقتىق نەگىزى جوق ەكەنىن ايتقان.
“قىرعىزستان ءۇشىن بۇل ۋچاسكە لەيلەك اۋدانىمەن كولىك قاتىناسىندا قانداي ماڭىزعا يە كەنىن ءبىلىپ تۇرمىز ءارى كورشىلەرگە توسقاۋىل قويۋعا نيەتىمىز جوق. ەگەر ولار دا بۇل جولمەن تاجىكستان ازاماتتارىن ەركىن وتۋىنە، ساۋدا جاساۋعا كەدەرگى كەلتىرمەي، جۇك تاسىمالداۋعا توسقاۋىل قويماسا”، -دەگەن احمادزودا.
پرەزيدەنت سادىر جاپاروۆ 17 قاڭتاردا "ۆەچەرني بيشكەك" باسىلىمىنا بەرگەن سۇقباتىندا 2009 جىلى باتكەندەگى ءتورت-كوچو ۋچاسكەسى تۋرالى قول قويىلعان قاۋلىنى بىشكەك مويىندامايدى دەدى. بيلىك قىرعىز-تاجىك شەكارا ماسەلەسىن شەشۋدە تاجىكستان وسى قاۋلىنى العا تارتىپ وتىر دەيدى.
Abai.kz
