"ۋكراينانى ناتو-عا قابىلداۋ كەرەك دەيدى. ۋكراينانىڭ دوكترينالىق قۇجاتىندا ولار قىرىمدى اسكەري جولمەن قايتارىپ العىسى كەلەتىنى جازىلعان. ويلاپ كورەيىك، ۋكراينا ناتو مۇشەسى، قىرىمعا وپەراتسيا باستايدى (دونباسس تۋرالى ايتپاي-اق قويايىن). بۇل رەسەيدىڭ ەگەمەندى ايماعى. ءبىز ەندى ناتو بلوگىمەن سوعىسۋىمىز كەرەك پە؟ وسىنى كىمدە-كىم ويلاندى ما؟ مەنىڭشە، جوق",- دەدى پۋتين (ربك جاريالاعان سىلتەمەدەن الىندى).

پۋتين اقش رەسەيدىڭ قاۋىپسىزدىك كەپىلدىگى بويىنشا الاڭداۋشىلىعىن ەلەمەي، باستى ءۇش تالابىنا دا ناقتى جاۋاپ بەرمەدى دەيدى. ول تالاپتار: ناتو-نى كەڭەيتۋگە جول بەرمەۋ، ورىس شەكاراسىنا جاقىن ايماققا قارسى سوققى بەرەتىن اسكەر ورنالاستىرماۋ جانە ەۋروپاداعى اسكەري قۇرىلىم بولىگىن 1997 جىلداعى جاعدايعا اكەلۋ.

اقش الدىندا كرەملدىڭ تالابىنا جاۋاپ بەرگەن.

"قۇجات ءپۋتيننىڭ قولىندا بار. ءبىز ونىڭ جاۋابىن كۇتەمىز، – دەپ مالىمدەگەن اقش مەملەكەتتىك حاتشىسى بلينكەن. – ماسەلە، ءپۋتيننىڭ قانداي جولدى تاڭدايتىنىندا: كونسترۋكتيۆتى جولدى ما، الدە ۇجىمدىق قاۋىپسىزدىكتى مە؟ بولماسا ۋكرايناعا قارسى جاڭا اگرەسسيانى تاڭداي ما؟ ءبىز بارىنە دايىنبىز".

"ناتو ەلدەردى ەركىن تاڭداۋعا جول بەرۋ قۇقىعىنا سىلتەيدى. بىراق باسقالاردى پايدالانىپ، وزگەنىڭ قاۋىپسىزدىگىن بەكىتۋ دۇرىس ەمەس", – دەدى پۋتين.

ول باتىس رەسەيگە اليانستى ءبىر ديۋيمعا دا كەڭەيتپەيمىز دەپ ۋادە بەرگەن دەيدى.

ء"بىرىن ايتتى، بىراق ەكىنشىسىن ىستەدى. ەندى ناتو پولشادا، رۋمىنيادا، بالتىق ەلدەرىندە. بىزدىڭشە ايتقانداي، الدادى، لاقتىرىپ كەتتى. سوسىن اقش زىمىرانعا قارسى قورعانىس كەلىسىمىنەن شىعىپ كەتتى. ەندى قورعانىس قۇرىلىمدارىن رۋمىنياعا ورناتتى. جاقىن ارادا پولشاعا قويماق. ول جاققا "توماگاۆكي" زىمىرانعا قارسى قورعانۋ قۇرىلىمىن ورناتىپ جاتىر. بۇل ءبىز ءۇشىن قاۋىپ ەمەس نەمەنە؟" – دەدى پۋتين.

رەسەي مەن اقش، سونىمەن بىرگە رەسەي جانە ناتو 10-13 قاڭتاردا جەنەۆا، بريۋسسەل جانە ۆەنادا وتكەن كەلىسسوزدەردە ورتاق شەشىمگە كەلە المادى.

ناتو باس حاتشىسى يەنس ستولتەنبەرگ "ناتو قانداي ءبىر كومپروميسسكە بارمايدى" دەپ مالىمدەدى.

26 قاڭتاردا رەسەي سىرتقى ىستەر مينيسترلىگىنە ماسكەۋدىڭ قاۋىپسىزدىك كەپىلدىگى بويىنشا تالابىنا بايلانىستى اقش-تان جاۋاپ كەلگەن. اقش مەملەكەتتىك حاتشىسى ەنتوني بلينكەننىڭ سوزىنشە، حاتتا ۋكرايناعا اسكەري كۇشتەردى ورناتۋعا بايلانىستى اشىقتىقتى قامتاماسىز ەتۋدە ءوزارا اشىقتىق شارالارىن قولدانۋ مۇمكىندىگى ايتىلعان.

ول اقش ديپلوماتيالىق ءىس-ارەكەتكە جانە اشىق ديالوگقا دايىن ەكەنىن جەتكىزدى. ەندى جاۋاپ رەسەيدە، ونىڭ قاي جولدى تاڭدايتىنىندا دەپ اتاپ وتكەن بلينكەن.

Abai.kz