عالىمجان نيازوۆ قاماۋعا الىندى
قارجى مونيتورينگى اگەنتتىگى وكىلى سۇيىتىلعان مۇناي گازىن جەتكىزۋگە جەتەكشىلىك ەتكەن ماڭعىستاۋ وبلىسى اكىمىنىڭ ورىنباسارى عالىمجان نيازوۆ ۇستالعانىن راستادى.
عالىمجان نيازوۆقا سوت ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسىن تاعايىنداعانى بەلگىلى بولدى.
"نيازوۆ لاۋازىمدىق وكىلەتتىكتەرىن اسىرا پايدالاندى دەگەن كۇدىكپەن سوتقا دەيىنگى تەرگەۋ اياسىندا ۇستالدى", - دەدى ماڭعىستاۋ وبلىسى ەكونوميكالىق تەرگەۋ دەپارتامەنتى وكىلى.
تەرگەۋ امالدارى جۇرگىزىلىپ جاتىر. وزگە اقپارات تەرگەۋ مۇددەسىنە ساي جاريالانبايتىنى ايتىلدى.
Abai.kz
