تانىمال ۆاينەرلەر قارجى پيراميداسىن قۇردى دەگەن كۇدىككە ءىلىندى.

تانىمال بلوگەرلەر مەيىرجان تورەباەۆ، ازيزجان سايدباەۆ جانە مەيىرحان شەرنيازوۆ  قارجىلىق قىلمىس جاساۋى مۇمكىن دەگەن كۇدىككە ءىلىندى. ولار قىلمىستىق كودەكستىڭ 217-بابى 3-بولىگى 2-تارماعى "قارجىلىق (ينۆەستيتسيالىق) پيراميدانى قۇرۋ جانە وعان باسشىلىق ەتۋ" بويىنشا قىلمىس جاسادى دەگەن كۇدىككە ىلىنگەن. ولاردىڭ قىلمىسى دالەلدەنسە بەس جىلدان 10 جىلعا دەيىن باس بوستاندىعىنان ايىرىلۋى مۇمكىن.

تەرگەۋ سوتى ولاردىڭ ەكەۋىن كەپىلمەن بوساتىپ، بىرەۋىن ەكى ايعا سىرتتاي قاماۋعا العان. "ازاماتتار ت. جانە ش-عا قاتىستى 1000 اەك مولشەرىندە كەپىل تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشحات قاناعاتتاندىرىلدى. ازامات س-نى سىرتتاي قاماۋعا الۋ تۋرالى ارىز ءتۇستى. ءوتىنىش قاناعاتتاندىرىلدى: كۇدىكتىگە قاتىستى ەكى اي مەرزىمگە قاماۋعا الۋ تۇرىندەگى بۇلتارتپاۋ شاراسى سانكتسيالاندى", - دەدى سوتتىڭ ءباسپاسوز قىزمەتىندەگىلەر.

Abai.kz