ايجان ەسماعامبەتوۆا دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريا دارىگەرى لاۋازىمىنا تاعايىندالدى. 

"قازاقستان رەسپۋبليكاسى ۇكىمەتىنىڭ قاۋلىسىمەن ايجان سەرىكبايقىزى ەسماعامبەتوۆا قازاقستان رەسپۋبليكاسىنىڭ دەنساۋلىق ساقتاۋ ۆيتسە-ءمينيسترى - قازاقستان رەسپۋبليكاسىنىڭ باس مەملەكەتتىك سانيتاريا دارىگەرى لاۋازىمىنا تاعايىندالدى. بۇل تۋرالى قر پرەمەر-ءپينيسترىنىڭ ءباسپاسوز قىزمەتى وكىلى مالىمدەدى", - دەلىنگەن حابارلامادا.

ايجان ەسماعامبەتوۆا 1972 جىلى الماتى وبلىسىندا دۇنيەگە كەلگەن. 1997 جىلى الماتى مەملەكەتتىك مەديتسينا ۋنيۆەرسيتەتىن، قازاقستان مەديتسينا ۋنيۆەرسيتەتىن (قوعامدىق دەنساۋلىق ساقتاۋ جوعارى مەكتەبى), الماتى مەنەدجمەنت ۋنيۆەرسيتەتىن بىتىرگەن.

ەڭبەك جولىن 1990 جىلى الماتى قالاسى №7 ەمحاناسىندا فەلدشەر-زەرتحاناشى بولىپ باستاعان.

1997-2004 جىلدارى رەسپۋبليكالىق سانيتارلىق-ەپيدەميولوگيالىق ستانتسياسىنىڭ اسا قاۋىپتى ينفەكتسيالار بولىمىندە دارىگەر-ەپيدەميولوگ، دارىگەر-باكتەريولوگ، زەرتحانا مەڭگەرۋشىسى بولىپ جۇمىس ىستەدى.

2004-2014 جىلدارى قر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ قۇرىلىمىندا ءتۇرلى لاۋازىمداردى اتقاردى. 2013 جىلى قر دسم مەملەكەتتىك سانيتارلىق-ەپيدەميولوگيالىق قاداعالاۋ كوميتەتىنىڭ توراعاسى بولىپ تاعايىندالدى.

2014 جىلى - قر تۇتىنۋشىلاردىڭ قۇقىقتارىن قورعاۋ اگەنتتىگىنىڭ ەپيدەميولوگيالىق قاداعالاۋ دەپارتامەنتىنىڭ ديرەكتورى - باس مەملەكەتتىك سانيتاريا دارىگەرىنىڭ ورىنباسارى.

2014-2017 جىلدارى - قر ۇەم تۇتىنۋشىلار قۇقىقتارىن قورعاۋ كوميتەتىنىڭ ەپيدەميولوگيالىق قاداعالاۋ باسقارماسىنىڭ باسشىسى.

2017 جىلى - قر دسم ستراتەگيالىق دامۋ جانە قوعامدىق دەنساۋلىق ساقتاۋ دەپارتامەنتىنىڭ ديرەكتورى.

2017-2020 جىلدارى - قر قوعامدىق دەنساۋلىق ساقتاۋ ساياساتى دەپارتامەنتىنىڭ ديرەكتورى.

2020 جىلعى قازاننان باستاپ قازىرگە دەيىن قر دسم سانيتارلىق-ەپيدەميولوگيالىق باقىلاۋ كوميتەتىنىڭ توراعاسى بولىپ جۇمىس ىستەدى.

Abai.kz