شەتەلگە كوشىپ كەتكەن قازاقستاندىقتار بجزق-دان 41 ملرد تەڭگەدەن استام قاراجات الدى، دەپ حابارلايدى LS سايتى.

زەينەتاقى قورىنان 2021 جىلى 17,3 مىڭنان استام ادام قازاقستاننان تىس جەرلەرگە تۇراقتى تۇرۋعا كەتۋىنە بايلانىستى ء(ار جىلدارى) تولەمدەر الىپ وتىرعان.

جالپى سوماسى 41,3 ملرد تەڭگە. سالىستىرمالى تۇردە 2020 جىلدىڭ ۇقساس كەزەڭىندە سالىمشىلاردىڭ سانى 18,1 مىڭ ادامنان اسىپ، تولەمدەردىڭ جالپى سوماسى 36,8 ملرد تەڭگەنى قۇرادى.

2 مىڭنان استام ءوتىنىش بەرۋشى 41,3 ملرد تەڭگەدەن ۇلتتىق ۆاليۋتادا 5,9 ملرد تەڭگە، 14,5 مىڭ ادامعا رۋبلمەن – 33 ملرد تەڭگە، دوللارمەن 343 سالىمشىعا – 1,5 ملرد تەڭگە، ەۆرومەن 163 سالىمشىعا – 720 ملن تەڭگە جانە فۋنت ستەرلينگپەن 22 سالىمشىعا – 110 ملن تەڭگە تولەمدەر الدى.

فۋنت ستەرلينگپەن تولەمدەر ۇلىبريتانياعا، پولشاعا جانە رەسەيگە; دوللارمەن – رەسەيگە، بەلارۋسياعا، ۋكرايناعا، پولشاعا، تۇركياعا، قىرعىزستانعا، وزبەكستانعا، اقش-قا، كاناداعا جانە باسقا ەلدەرگە; ەۆرومەن – گەرمانياعا، پولشاعا جانە باسقا ەلدەرگە جۇرگىزىلدى.

"بجزق-داعى زەينەتاقى جيناقتارى مەرزىمسىز تۇردە جەكە شوتتاردا ساقتالادى. ول تولەمدەر ءۇشىن قازاقستاننان تىس جەرلەرگە تۇراقتى تۇرۋعا كەتكەننەن كەيىن كەز كەلگەن ۋاقىتتا جۇگىنۋگە بولادى", -دەپ ءتۇسىندىردى زەينەتاقى قورى.

Abai.kz