پرەزيدەنت قاسىم-جومارت توقاەۆ ۋكراينا توڭىرەگىندەگى جاعدايدى ءجىتى باقىلاپ وتىر. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي ايتتى.

"ارينە، پرەزيدەنت ۋكراينا توڭىرەگىندەگى جاعدايدى ءجىتى باقىلاپ وتىر. بۇل ماسەلە ۆلاديمير پۋتينمەن وتكەن كەزدەسۋدە تالقىلاندى. مەملەكەت باسشىسى كەلىسسوز قورىتىندىسى بويىنشا "جاقسى جانجالدان، جامان بولسا دا ءبىتىم ارتىق" ەكەنىن ايتتى. باسقاشا ايتقاندا، ىمىراعا كەلۋ ءۇشىن ناتيجەلى ديپلوماتيالىق كەلىسسوزدەردىڭ جالعاسقانىن جاقتايدى. پرەزيدەنتتىڭ ايتۋىنشا، ەۋرازيالىق قاۋىپسىزدىكتىڭ بولىنبەۋشىلىك قاعيداتىن ۇستانعان ءجون، ونىڭ ۇستىنە بۇل قاعيدات 2010 جىلى قابىلدانعان ەقىۇ-نىڭ استانا دەكلاراتسياسى ماتىنىنە دە ەنگىزىلگەن", - دەدى بەرىك ءۋالي.

10-11 اقپاندا قازاقستان پرەزيدەنتى ماسكەۋ مەن قازان قالالارىنا جۇمىس ساپارىمەن باردى. كرەملدە قاسىم-جومارت توقاەۆ ۆلاديمير پۋتينمەن كەلىسسوز جۇرگىزدى.

Abai.kz