ماسكەۋ وبلىسىنداعى تاجىك ميگرانتتارىنىڭ ايتۋىنشا، سوڭعى ءبىر اپتادا پوليتسيا قىزمەتكەرلەرى ميگرانتتاردى بىرنەشە مارتە تەكسەرىپ، بىرنەشەۋىن ۇستاعان.

ادام قۇقىقتارىن قورعاۋشىلاردىڭ پىكىرىنشە، يسترا اۋدانىندا "پياتەروچكا" دۇكەنىنە شابۋىلدان سوڭ ميگرانتتارعا قىسىم كۇشەيگەن. بيىل 9 اقپانعا قاراعان تۇندە بولعان شابۋىلدان دۇكەننىڭ 51 جاستاعى كاسسا قىزمەتكەرى قايتىس بولدى، دۇكەن قوجايىنى مەن ايەلى اۋرۋحاناعا ءتۇستى. پوليتسيا شابۋىلعا قاتىسى بار دەلىنەتىن ءتورت كۇدىكتىنى ۇستاعان. رەسەيلىك اقپارات قۇرالدارى ولاردىڭ تاجىك ازاماتتارى ەكەنىن جازعان.

سودان بەرى ايماقتاعى ەڭبەك ميگرانتتارىنان مازا كەتتى، دەيدى ۋمارشوح ەسىمدى تاجىك ازاماتى. ونىڭ ايتۋىنشا، پوليتسيا قىزمەتكەرلەرىنە ايماقتى قىلمىس جاساۋى مۇمكىن ادامداردا تازارتۋعا تاپسىرما بەرگەن. دەگەنمەن جەرگىلىكتى پوليتسيا مۇنداي مالىمەتتى راستامادى، تەرىستەگەن دە جوق.

ء"بىر اقىماقتىڭ كەسىرىنەن ءبىز زارداپ شەگىپ جاتىرمىز. بۇعان دەيىن دە كەرەمەت ەمەس ەدى، ەندى ءتىپتى قيىن بولدى. تەكسەرۋدەن كوز اشپايمىز", - دەيدى ۋمارشوح. ەڭبەك ميگرانتتارىنىڭ قۇقىقتارىن قورعاۋشى مۇحاممادجون سوبيروۆتىڭ ايتۋىنشا، ءبىر اپتانىڭ ىشىندە يسترادا شامامەن 100 ادام ۇستالدى. تاجىكستاننىڭ رەسەيدەگى ەلشىلىگى ازاماتتاردان شاعىم تۇسكەنىن راستادى. قازىر رەسەيدە ءبىر ميلليوننان استام تاجىكستاندىق جۇمىس ىستەپ ءجۇر.

Abai.kz