قازاقستاننىڭ ءبىلىم جانە عىلىم مينيسترلىگى تۇڭعىش پرەزيدەنت نۇرسۇلتان نازارباەۆتىڭ ايەلى سارا ەنگىزگەن ء"وزىن-ءوزى تانۋ" ءپانىن مىندەتتى باعدارلامالار تىزىمىنەن الىپ تاستادى. بۇل جونىندە مەكەمەنىڭ ءباسپاسوز قىزمەتى حابارلادى.

بيىل قىركۇيەك ايىنان باستاپ مەكتەپ باعدارلاماسىنا وزگەرىستەر ەنگىزىلمەك. ەگەر مەكتەپتەر ء"وزىن-ءوزى تانۋ" ءپانىن فاكۋلتاتيۆتى ساباق رەتىندە تاڭداسا، وندا بۇرىنعىداي 11جىل قاتارىنان ەمەس، ءبىر وقۋ جىلىندا عانا وقىتىلاتىن بولادى.

بۇل ءپان مەكتەپ باعدارلامالارىندا 2009 جىلدان بەرى پايدا بولدى. ونىڭ باستاماشىسى بۇرىنعى پرەزيدەنتتىڭ ايەلى سارا نازارباەۆا بولاتىن. ونىڭ ماقساتى – ءوزىنىڭ ءبىلىمى مەن بىلىگىن دامىتا الاتىن رۋحاني، تولىققاندى ادام قالىپتاستىرۋ دەلىنگەن.

ەلباسى مارتەبەسىنە يە نۇرسۇلتان نازارباەۆ 2019 جىلى بيلىكتەن كەتكەنىمەن، قاۋىپسىزدىك كەڭەسى ارقىلى مەملەكەتتىك باسقارۋ تەتىگىن وزىندە قالدىرعان. قاڭتار ايىنداعى وقيعالاردان كەيىن توقاەۆ قاۋىپسىزدىك كەڭەسىنىڭ تىزگىنىن وزىنە الدى.

28 قاڭتاردان باستاپ بيلىكتىڭ "نۇر وتان" پارتياسىن دا قاسىم-جومارت توقاەۆ ءوزى باسقاراتىن بولدى. ساياسي پارتيا كەڭەسىنە نازارباەۆتىڭ قىزى داريعا كىرمەدى. سونىمەن بىرگە ەلدەگى بارلىق جوعارى لاۋازىمدى قىزمەتتەردەن نازارباەۆتىڭ تۋىستارى كەتتى.

Abai.kz