قىرعىزستاننىڭ جوعورعى كەنەشىنىڭ دەپۋتاتى نۇرجىگىت قادىربەكوۆ بالاپان ارناسىنىڭ كەسىرىنەن قىزدارىنىڭ قازاقشا سويلەيتىنىنە شاعىمداندى.

«دەپۋتات نۇرجىگىت قادىربەكوۆ قىزدارىنىڭ قازاقشا سويلەي باستاعانىن ايتىپ شاعىمداندى. بۇل تۋرالى ول بۇگىن، 17 اقپاندا جوعورعى كەنەش وتىرىسىندا ايتتى. ونىڭ ايتۋىنشا، قىزدارى قازاق تىلىندە عانا حابار تاراتاتىن «بالاپان» ارناسىن كورىپ، قازاق ءتىلىن تەز ۇيرەنىپ العان»، - دەلىنگەن بەيسەنبى كۇنى تاراعان حابارلامادا.

ول قىرعىزستانداعى جەرگىلىكتى بالالار تەلەارناسىن دا سىنعا الدى.

«ءبىزدىڭ «بالاستان» ارناسى جارتىسى ورىس تىلىندە حابار تاراتادى. سوندىقتان بالالار مەملەكەتتىك ءتىلدى مەڭگەرۋى ءۇشىن ارنانى تولىعىمەن قىرعىز تىلىنە اۋدارۋ قاجەت»، - دەدى قادىربەكوۆ.

Abai.kz