قازاقستان ۇكىمەتى ءباسپاسوز قىزمەتىنىڭ حابارلاۋىنشا، جۇزدەسۋدە ءۇش ەلدىڭ سالىق جانە كەدەن قىزمەتتەرىنىڭ جۇمىستارىن ءتيىمدى ۇيلەستىرۋ ماسەلەلەرى تالقىلانعان.
قازاقستان دەلەگاتسياسىنىڭ باسشىسى، پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى باقىت سۇلتانو "سوڭعى كەزدەرى ەۋرازيالىق ەكونوميكالىق وداق نارىعىندا قىتاي تاۋارىنىڭ زاڭسىز اينالىمى ۇلعايعانى بايقالادى" دەپ مالىمدەدى. "بۇل ماسەلەگە ءبىزدىڭ ۇكىمەتتەر بەيجاي قاراماۋى ءتيىس. مۇنداي جاعداي نارىقتاعى باسەكەنى ارتتىرۋعا كەرى اسەر ەتەدى، تۇپتەپ كەلگەندە ەكونوميكانىڭ بىرقاتار سالالارىنىڭ دامۋىن تەجەيدى", - دەدى ول.
ەسكە سالايىق، قازاقستان "قىتاي تاۋارلارىنىڭ زاڭسىز اينالىمى" تۋرالى بۇعان دەيىن بىرنەشە مارتە مالىمدەپ، بۇعان قىرعىزستاندى اشىق ايىپتاعان. 2020 جىلعى ماۋسىم ايىندا قازاقستان قارجى مينيسترلىگىنىڭ مەملەكەتتىك كىرىس كوميتەتى "قىرعىزستان ەكسپورتى مەن قازاقستان يمپورتى مالىمەتتەرى ۇيلەسپەيدى: قىرعىزستان تسيفرلارى ون ەسە از" دەپ مالىمدەگەن. قىرعىزستاننىڭ ەكونوميكا مينيسترلىگى قاتەنى قازاقستاننان ىزدەۋ كەرەك دەپ جاۋاپ بەرگەن.
قازاقستان جاعى شەكاراداعى تەكسەرۋلەردى "زاڭسىز يمپورتپەن" كۇرەس دەپ سيپاتتاعان. سونىڭ سالدارىنان قىرعىزستان شەكاراسىندا جۇك كولىكتەرى ۇزىن-سونار كەزەكتە تۇرۋعا ءماجبۇر. رەسمي بىشكەك ەاەو-عا مۇشە ەلدەر اراسىندا مۇنداي نەگىزسىز تەكسەرۋلەر بولماۋى ءتيىس دەپ وتىر.
Abai.kz
