اقش پرەزيدەنتى دجو بايدەن ۋكرايناعا شابۋىل جاسالماسا، رەسەيلىك ارىپتەسى ۆلاديمير پۋتينمەن كەزدەسۋگە كەلىستى. بۇل تۋرالى تengrinews.kz-كە سىلتەمە جاساپ، Abai.kz حابارلايدى. 

بايدەن اكىمشىلىگى رەسەيدىڭ ۋكرايناعا باسىپ كىرۋى كەلىسسوزدىڭ توقتاۋىنا سەبەپ بولۋى مۇمكىن ەكەنىن ايتتى.

"پرەزيدەنت بىرنەشە رەت اشىق ايتقان بولاتىن، شابۋىل باستالعانشا ديپلوماتيالىق قارىم-قاتىناستا بولامىز. پرەزيدەنت بايدەن ەگەر شابۋىل جاسالماسا، پرەزيدەنت پۋتينمەن قايتا كەزدەسۋگە كەلىستى", - دەلىنگەن حابارلامادا.

پساكيدىڭ ايتۋىنشا، امەريكالىق كوشباسشى رەسەي ءسىم باسشىسى سەرگەي لاۆروۆ پەن اقش مەملەكەتتىك حاتشىسى ەنتوني بلينكەننىڭ كەلىسسوزدەرىنەن كەيىن رەسەي پرەزيدەنتىمەن كەزدەسۋگە دايىن.

ء"بىز ارقاشان ديپلوماتياعا دايىنبىز. ەگەر رەسەي سوعىستى تاڭداسا، سالدارعا دايىنبىز. قازىرگى ۋاقىتتا رەسەي جاقىن ارادا ۋكرايناعا شابۋىل جاساۋعا دايىندىقتى جالعاستىرىپ جاتقان سياقتى", - دەلىنگەن حابارلامادا.

ءبىر كۇن بۇرىن ەليسەي سارايىندا رەسەي مەن اقش پرەزيدەنتتەرى ۆلاديمير پۋتين مەن دجو بايدەن فرانتسۋز باسشىسى ەممانۋەل ماكروننىڭ ەۋروپاداعى قاۋىپسىزدىك جانە ستراتەگيالىق تۇراقتىلىق ءسامميتىن وتكىزۋ تۋرالى ۇسىنىسىن قابىلداعانىن حابارلادى.

Abai.kz