گرۋزيانىڭ بۇرىنعى پرەزيدەنتى ميحايل سااكاشۆيلي قۇقىقتارىم بۇزىلىپ جاتىر دەپ تاعى اشتىق جاريالادى. وعان بەس بىردەي قىلمىستىق ءىس قوزعالعان. قازىر سوت پروتسەسى تبيليسي قالاسىندا ءوتىپ جاتىر. بۇل ىستەر بويىنشا ول 11 جىلعا دەيىن سوتتالۋى مۇمكىن.

ول وزىنە دارىگەرلەر جىبەرىلمەي جاتقانىن ايتىپ، نارازىلىق بىلدىرگەن.

"مەن بۇگىننەن باستاپ مەرزىمسىز اشتىق جاريالايمىن. بۇل رەجيمنىڭ ماعان جانە حالىققا دەگەن سالعىرت قاراۋىنا دەگەن قارسىلىعىم. مەنىڭ تالابىم – دۇرىس مەديتسينالىق كومەك كورسەتۋ", – دەدى ول سوت پروتسەسى كەزىندە.

سااكاشۆيلي ميللياردەر بيدزينا يۆانيشۆيلي باسشىلىق ەتەتىن "گرۋزين ارمانى" پارتياسى ءوزىن ء"پۋتيننىڭ پايداسىنا" مۇگەدەك ەتۋگە، تىپتەن ولتىرۋگە تىرىسىپ جاتىر دەدى.

ول ۋكرايناعا قاتىستى 2008 جىلى وڭتۇستىك وسەتياداعى سوعىس كەزىندەگى مەنىڭ ايتقان بولجامدارىم قازىر ءدال كەلىپ جاتىر دەدى. ونىڭ سوزىنشە، سول كەزدە گرۋزيا "رەسەيدىڭ ارانداتۋى مەن رەسەيشىل سەپاراتيستەرگە قارسى قورعاندى". ميحايل سااكاشۆيلي ۋكراين تىلىندە ۋكراينا حالقىنا قولداۋ ءبىلدىردى.

سااكاشۆيلي وسىعان دەيىن بىلتىر قازان ايىندا دا اشتىق جاريالاعان. بىراق قاراشا ايىنىڭ ورتاسىندا دەنساۋلىعى كۇرت ناشارلاپ، اشتىقتى توقتاتتى. ادام قۇقىقتارى جونىندەگى ەۋروپالىق سوتتىڭ شەشىمىمەن گرۋزين بيلىگى ونى اسكەري گوسپيتالعا اۋىستىرعان.

Abai.kz