استانا (نۇر-سۇلتان) سوتى قازاقستاننىڭ بۇرىنعى قورعانىس ءمينيسترى مۇرات بەكتانوۆتى قاماۋدا ۇستاۋ تۋرالى شەشىم شىعارعان.

«2022 جىلدىڭ 22 اقپانىندا نۇر-سۇلتان قالالىق مامانداندىرىلعان اۋدانارالىق تەرگەۋ سوتى كۇدىكتى م.بەكتانوۆقا قاتىستى ەكى اي مەرزىمگە قاماۋعا الۋ تۋرالى شەشىم شىعاردى»، - دەلىنگەن سوت حابارلاماسىندا.

اتالعان ىسكە قاتىستى وزگە مالىمەتتەر قپك 201 بابىنا سايكەس، جاريا ەتۋگە جاتپايدى دەلىنگەن.

ايتا كەتەيىك، ەكس-مينيستر بەكتانوۆتىڭ تۇتقىندالعانى تۋرالى اقپارات 19 اقپاندا بەلگىلى بولعان. قر باس پروكۋراتۋراسى ەكس-مينيستر بەكتانوۆتىڭ ۇستىنەن قىلمىستىق كودەكستىڭ 452 بابى (بەيلىكتىڭ ارەكەتسىزدىگى) بويىنشا سوتقا دەيىنگى تەرگەۋ جۇمىستارىن باستاعانى ايتىلعان. كەيىن، بۇل اقپاراتتى باس پروكۋراتۋرا راستاعان.

2021 جىلى 31 تامىزدا پرەزيدەنت توقاەۆتىڭ جارلىعىمەن قر قورعانىس ءمينيسترى لاۋازىمىنا تاعايىندالعان. كەيىن 2022 جىلدىڭ 11 قاڭتارىندا پرەزيدەنت توقاەۆ مينيستر بەكتانوۆتى ءوز قىزمەتىنە قايتا تاعايىنداۋ تۋرالى بۇيرىق شىعارعان.

ال «قاڭتار كوتەرىلىسىنەن» كەيىن، پرەزيدەنت توقاەۆ مينيستر بەكتانوۆتىڭ قىزمەتىن قاتاڭ سىناپ، 19 قاڭتار كۇنى قىزمەتىنەن العان.

Abai.kz