رەسەي مەن باتىس اراسىنداعى قاقتىعىستىڭ ۋشىعۋى $1 – 447 تەڭگەگە تەڭەستىرىپ، تەڭگەنىڭ قۇلدىراۋى مۇمكىن.

AERC Beta LLP باس ديرەكتورى عالىمجان ايتقازيننىڭ ايتۋىنشا، ماسكەۋدىڭ دونەتسك جانە لۋگانسكىنى تاۋەلسىز رەسپۋبليكالار دەپ مويىنداۋى، باتىس ەلدەرىنىڭ سانكتسيا سالىنۋىنا جول اشادى. بۇل ءوز كەزەگىندە قازاقستان ەكونوميكاسىنا، ونىڭ ىشىندە دوللاردىڭ تەڭگەگە ايىرباس باعامىنا وراسان زور قىسىم جاسايدى.

ء"رۋبلدىڭ دوللارعا شاققانداعى باعامى قازىر 80,3-كە جەتتى. ماكسيمۋمعا جاقىنداپ كەلەدى. بۇل رەسەي ۋكراينانىڭ اۋماقتىق تۇتاستىعىن بۇزىپ، الەمدىك قاۋىمداستىقتىڭ سىنىنا قالعاننان كەيىنگى جاعداي. باتىستىڭ جەتەكشى ەلدەرىنىڭ، سونىڭ ىشىندە اقش، ەو جانە باسقا ەلدەردىڭ ەكونوميكالىق سانكتسيالارى ىسكە اساتىنى بەلگىلى", - دەيدى AERC Beta LLP باس ديرەكتورى.

قازاقستان قارجى اسسوتسياتسياسىنىڭ ساراپشىسى رامازان دوسوۆ: «قازاقستان مەن رەسەيدىڭ اراسىندا تىعىز ەكونوميكالىق بايلانىس ورناتىلعان. سوندىقتان ورىن العان جاعدايدىڭ ەلىمىزگە تيگىزەر ىقپالى زور. دەگەنمەن بارلىعى الداعى سالىناتىن سانكتسيالاردىڭ رەتىنە، كولەمىنە بايلانىستى بولماق،-دەيدى ساراپشى.

Abai.kz