ەسكە سالايىق، بۇنىڭ الدىندا رەسەي پرەزيدەنتىنىڭ ءباسپسوز قىزمەتى 25 اقپاندا ۆلاديمير پۋتين وزبەكستان پرەزيدەنتىمەن تەلەفونمەن سويلەسكەنىن، شاۆكات ميرزياەۆ رەسەي ارەكەتىن تۇسىنىستىكپەن قابىلدايتىنىن حابارلاعان.

شەرزود اسادوۆتىڭ ايتۋىنشا، وزبەكستان مەن رەسەي باسشىلارى، ەكى ەل اراسىنداعى وزەكتى ماسەلەلەردەن بولەك، ۋكراينا توڭىرەگىندەگى جاعدايدى دا تالقىلادى.

"رەسەي پرەزيدەنتى ەلىمىزدىڭ باسشىسىنا ارنايى وپەراتسيا تۋرالى شەشىمگە نە سەبەپ بولعانىن، ونىڭ قانداي جاعدايدا قابىلدانعانىنان حاباردار ەتتى. وزبەكستان باسشىسى بولسا جاعدايدى ودان سايىن ۋشىقتىرماي، ونى رەتتەۋ جولدارى تابىلاتىنىنا سەنىم ءبىلدىردى", - دەپ حابارلادى پرەزيدەنتتىڭ ءباسپاسوز حاتشىسى.

"ەلىمىز رەسەيمەن دە، ۋكراينامەن دە تىعىز، دوستىق قارىم-قاتىناس ورناتقان. ءبىز اۋقىمدى ايماعىمىزدىڭ تۇراقتى دامۋىنا، بەيبىتشىلىكتىڭ ساقتالۋىنا مۇددەلىمىز. كەلىسپەۋشىلىكتەر تەك قانا حالىقارالىق قۇقىق ەرەجەلەرى بويىنشا شەشىلۋى ءتيىس", - دەپ مالىمدەدى شەرزود اسادوۆ.

رەسەي پرەزيدەنتى ۆلاديمير پۋتين 24 اقپانعا قاراعان ءتۇنى ۋكراينانى "ۇلتىشلاردان تازارتۋ جانە دەميليتاريزاتسيالاۋ" ماقساتىندا ارنايى اسكەري وپەراتسيا" باستالعانىن جاريالادى.

ۋكراينا پرەزيدەنتى ۆلاديمير زەلەنسكي جالپىۇلتتىق موبيليزاتسيا جاريالادى. باتىس ەلدەرى رەسەيدىڭ ۋكرايناعا باسىپ كىرۋىنە بايلانىستى جاڭا سانكتسيالار سالا باستادى.

Abai.kz