قازاقستاننىڭ باس پروكۋراتۋراسى ۇستالعان ازاماتتارعا قارسى تەرگەۋدىڭ رۇقسات ەتىلمەگەن تاسىلدەرىن قولداندى دەگەن كۇدىكپەن توعىز قىزمەتكەر ۇستالعانىن مالىمدەدى.

مەكەمەنىڭ قىلمىستى تەرگەۋ قىزمەتىنىڭ باسشىسى سەرىك شالاباەۆتىڭ ايتۋىنشا، قاڭتار وقيعالارىنان كەيىن ازاپتاۋ مەن قىزمەت بابىن اسىرا پايدالانۋ ايىپتارىمەن 203 ادامعا قىلمىستىق ءىس قوزعالعان. ولاردى ارنايى پروكۋرورلار تەرگەپ جاتىر.

16 اقپاندا باس پروكۋراتۋرا قاڭتار وقيعالارىنا بايلانىستى "تەرگەۋدىڭ رۇقسات ەتىلمەگەن تاسىلدەرىن" قولداندى جانە ازاپتالۋعا بايلانىستى 363 ارىز تۇسكەنىن مالىمدەگەن. قازىر سەگىز ءىس بويىنشا تەرگەۋ ءجۇرىپ جاتىر.

قازاقستاندا قاڭتار وقيعالارى بويىنشا مىڭداعان ادام ۇستالىپ، جۇزدەگەن ادامعا "تەرروريزم", "جاپپاي تارتىپسىزدىكتى ۇيىمداستىرۋ", "قارۋ-جاراق ساقتاۋ" سەكىلدى ايىپتار تاعىلدى. ۇستالعانداردىڭ دەنى تەرگەۋ كەزىندە ازاپتالعانىن مالىمدەدى. ىشكى ىستەر مينيسترلىگى بولسا، تەرگەۋ كەزىندە ازاپتاۋ بولعانىن تەرىسكە شىعارعان.

رەسمي مالىمەت بويىنشا، ازاپتاۋ كەزىندە التى ادام قايتىس بولعان. قۇقىق قورعاۋ ۇيىمدارى قاڭتار وقيعالارىن تەرگەۋگە حالىقارالىق مامانداردى شاقىرۋدى سۇراعان. بىراق بيلىك ونىڭ قاجەتى جوق دەپ مالىمدەدى.

Abai.kz