ۇلىبريتانيانىڭ قازاقستانداعى ەلشىسى ۇلىبريتانيا پارلامەنتىندە ايتىلعان مالىمدەمەسى ءۇشىن سىرتقى ىستەر مينيسترلىگىنە شاقىرىلدى. بۇل تۋرالى قازاقستاننىڭ سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ ايتتى.

"بۇل پارلامەنتتە جاساعان ءبىر دەپۋتاتتىڭ مالىمدەمەسى بولدى. ۇلىبريتانيانىڭ قازاقستانداعى ەلشىسى جاعدايدى ءتۇسىندىرۋ ءۇشىن قر ءسىم-گە شاقىرىلدى. ودان تۇسىنىكتەمە كۇتەمىز", - دەدى نۇرىشەۆ ماجىلىستەگى جۋرناليستەردىڭ سۇراقتارىنا جاۋاپ بەرىپ.

"سىرتقى ىستەر مينيسترلىگى وتكىزەتىن ءىس-شارالاردى قاداعالاساڭىز، مينيستر شەتەلگە بەلسەندى تۇردە شىعاتىنىن بايقايسىزدار. ءتۇرلى الاڭداردا - بۇۇ-دا، ادام قۇقىقتارى جونىندەگى كەڭەستە ءسوز سويلەيدى. ەلىمىزدىڭ جاعدايى تۋرالى تولىق اقپارات بەرىپ وتىرعانىمىزدى كورىپ وتىرسىزدار", - دەدى ول.

Abai.kz