«ءولىپ كەتەيىن، سۇلتان، ءارتىسسىڭ!»

ايگىلى قوجابەرگەن قادىروۆتىڭ ءسوزى

امانجان  كەشە حالىق قالاۋلىسى ەدى. ەلدىڭ ءسوزىن ءماجىلىستىڭ مىنبەرىنەن اقىرىپ ايتپاق ءۇشىن الاش جولىن «قۋعان» «اق جول» پارتياسىنىڭ اتىنان دەپۋتات بولىپ ەدى. اعاسى بەرگەي اتىراۋدى اشسا - الاقانىندا، جۇمسا - جۇدىرىعىندا ۇستاعان امبەگە ءمالىم اكىم ەدى. ساۋلەباي شالدىڭ قوس قۇلىنىنىڭ داۋرەنى ءجۇرىپ، دۇركىرەپ تۇرعان. بۇلارعا ءبىر زاۋال كەلەدى دەگەنگە ول كەزدە جۇرت سەنبەيتىن. اسلاننىڭ الپىس كۇن باپتاپ بيلىككە قوسقان ارعىماقتارى عوي، وسىنىڭ ءبارى اسلاننىڭ ارقاسى دەيتىن.

اسپان شايداي اشىق. كۇن جىلى، قوڭىر كۇز ەدى. اياق استىنان دۇنيە شىر اينالدى. بەرگەيدى اكىم دەگەن اتىنان ايىرىلدى. ىلە امانجاننىڭ دا حالىقتىڭ قالاۋلىسى ەمەس ەكەنىن سايلاۋشىلارى ءبىلىپ قالدى.  «اق جول» اتتاي قالاپ دەپۋتات قىلعان امانجان «مورالدىق-ەتيكالىق كوزقاراس پەن قوعامدىق رەزونانستىڭ تۋىنان» دەپۋتات بولا المايمىن دەپ ءوتىنىش جازىپتى». قايتسىن ەندى...

«ءولىپ كەتەيىن، سۇلتان، ءارتىسسىڭ!»

ايگىلى قوجابەرگەن قادىروۆتىڭ ءسوزى

امانجان  كەشە حالىق قالاۋلىسى ەدى. ەلدىڭ ءسوزىن ءماجىلىستىڭ مىنبەرىنەن اقىرىپ ايتپاق ءۇشىن الاش جولىن «قۋعان» «اق جول» پارتياسىنىڭ اتىنان دەپۋتات بولىپ ەدى. اعاسى بەرگەي اتىراۋدى اشسا - الاقانىندا، جۇمسا - جۇدىرىعىندا ۇستاعان امبەگە ءمالىم اكىم ەدى. ساۋلەباي شالدىڭ قوس قۇلىنىنىڭ داۋرەنى ءجۇرىپ، دۇركىرەپ تۇرعان. بۇلارعا ءبىر زاۋال كەلەدى دەگەنگە ول كەزدە جۇرت سەنبەيتىن. اسلاننىڭ الپىس كۇن باپتاپ بيلىككە قوسقان ارعىماقتارى عوي، وسىنىڭ ءبارى اسلاننىڭ ارقاسى دەيتىن.

اسپان شايداي اشىق. كۇن جىلى، قوڭىر كۇز ەدى. اياق استىنان دۇنيە شىر اينالدى. بەرگەيدى اكىم دەگەن اتىنان ايىرىلدى. ىلە امانجاننىڭ دا حالىقتىڭ قالاۋلىسى ەمەس ەكەنىن سايلاۋشىلارى ءبىلىپ قالدى.  «اق جول» اتتاي قالاپ دەپۋتات قىلعان امانجان «مورالدىق-ەتيكالىق كوزقاراس پەن قوعامدىق رەزونانستىڭ تۋىنان» دەپۋتات بولا المايمىن دەپ ءوتىنىش جازىپتى». قايتسىن ەندى...

بۇ قالاي بولدى دەپ كوزدى-اشىپ جۇمعانشا اعايىندى قوڭىرقاز كوزدەن عايىپ بولىپتى. سويتسەك، امانجان اي قاراپ جۇرمەپتى. اتىراۋ وبلىستىق سوتتىڭ مالىمەتىنە قاراساق، بۇرىنعى دەپۋتاتقا 2008 جىلى «قۇرىلىس كومپانياسىنان الاياقتىق جولمەن توعىز پاتەر الىپ، زاڭدى تۇلعاعا 200 ملن تەڭگە سوماسىندا ماتەريالدىق زارداپ كەلتىرگەن» دەگەن ايىپ تاعىلىپ، تۇتقىنداۋعا رۇقسات بەرىلىپتى. ال، امانجان جوق. ايدىڭ-كۇننىڭ امانىندا ءبۇتىن ءبىر مەملەكەتتىڭ قۇقىق قورعاۋشىلارىن اداستىرىپ كەتىپتى.

«اق جول» پارتياسىنىڭ مۇشەسى امانجان مىرزا الاياق بولعاندا، اعاسى بەرگەيدىڭ دە باسىنان باعى تايىپ تۇر. اتىراۋدىڭ اكىمى بولۋ اۋىر جۇمىس - حالىققا قىزمەت ەتەمىن دەپ ءجۇرىپ بەرگەي دەنساۋلىعىنا دۇرىستاپ قاراي الماي اقىرى «دەنساۋلىعىنىڭ جاعدايىنا بايلانىستى قىزمەتىنەن بوساتىلعان ەدى». بەرگەي ءتۇستى دەگەندى ەستي سالا ءبىزدىڭ اسا قىراعى، زاڭدى انتەك بۇزعانداردىڭ ءوزىن بايقاپ قالاتىن پروكۋراتۋرا تەكسەرىس جاساپ، تەڭگە ەمەس، تيىن جىمقىرعانداردىڭ جاعاسىنان الا تۇسەتىن قارجى پوليتسياسى «ءىرى كولەمدە وبلىس بيۋدجەتىنىڭ قارجىسىن جىمقىرۋ فاكتىلەرى بويىنشا بىرقاتار قىلمىستىق ءىس قوزعاعان». ەندى قولعا ءتۇستىڭ بە، بالەم دەپ، قاراسا، ساۋلەباي شالدىڭ قاسقىر ۇلدارى ماڭدايلارى جارقىراپ تايىپ تۇرىپتى. ەكەۋىنىڭ قازىر قاي جەردى پانالاپ، نە ءىشىپ، نە جەپ، قالاي كۇنەلتىپ جۇرگەندەرىنەن جان بالاسىنىڭ حابارى جوق. قايدا جۇرسە امان ءجۇرسىن! تەك تۋعان ەل مەن تۋعان جەردى ساعىنىپ ىشقۇسا بولىپ كەتپەسە ەكەن دەپ جۇرت وتىر، ىشتەن تىنىپ...

تۋعان ەل دەمەكشى، شىققان قىز شيدەن ارى دەگەندەي جىراقتا جۇرگەن جالعىز قىز بار ەدى. حراپۋنوۆتىڭ ەتەگىنەن ۇستاپ، ەلدەن بەزىپ كەتكەن. اقشا ءجۇزى البىراپ، ەكى كوزى مولدىرەپ شۆەيتساريادا ءجۇر ەكەن دەپ ەستۋشى ەك، مىنە، ءبىزدىڭ قىران كوز، ءيىسشىل، قىبىر ەتكەندى قالت جىبەرمەيتىن، قۇرىعى ۇزىن قارجى پوليتسياسى ءلايلا حانىمعا حالىقارالىق ىزدەۋ جاريالاپ كەپ جىبەردى. ىزدەۋ جاريالايتىنى -  بىزدىڭ قىز توركىنىن تىقىرلاپ، تاقىرعا وتىرعىزىپ كەتە جازداپتى. بۇل تۋراسىندا قارجى پوليتسياسىنىڭ رەسمي وكىلى مۇرات جۇمانباي بىلاي دەيدى:

- 1997 مەن 2007 جىلدار ارالىعىندا حراپۋنوۆ الماتى قالاسىنىڭ جانە شىعىس قازاقستان وبلىسىنىڭ اكىمى بولعان كەزدە ءوزىنىڭ جۇبايى حراپۋنوۆامەن بىرگە قوزعالمايتىن مۇلىك وبەكتىلەرىن مەملەكەتتىك مەنشىكتەن زاڭسىز الىپ، ونى زاڭداستىرۋ، ساتۋ جانە الىنعان اقشالاي قاراجاتتى قازاقستان رەسپۋبليكاسىنان تىسقارى شىعارۋمەن اينالىسقان ۇيىمداسقان قىلمىستىق توپ قۇرىپ، ونىڭ قىزمەتىن باسقارعاندىعى انىقتالدى.

«ۇيىمداسقان قىلمىستىق توپ قۇرىپ، ونىڭ قىزمەتىن باسقارعان» ءلايلانىڭ بويىندا جاۋگەرشىلىك زاماندا ازاماتپەن بىرگە شايقاسقا تۇسكەن ەر قىزداردىڭ سارقىنشاعى قالعان با دەپ قالدىق.

و، ءلايلا، سەنى ىزدەپ جاتىر. بەرگەيدىڭ قايدا ەكەنى بەلگىسىز. امانجاننان اداسىپ قالدىق.

«Abai.kz»