سالىق جانە كەدەن ماسەلەلەرىن حالىققا ءتۇسىندىرۋ، حالىقتى حاباردار ەتۋ جانە كەرى بايلانىس الۋ بويىنشا جەدەل كومەك كورسەتۋ ماقساتىندا قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتىنىڭ Telegram-دا چات-بوتى ىسكە قوسىلدى. چات-بوتتى 1 ناۋرىزدان باستاپ «@SalyqBot» اتاۋىمەن نەمەسە https://t.me/salyqbot تىكەلەي سىلتەمەسى ارقىلى تابۋعا بولادى.

@SalyqBot – ساندىق سالىق كەڭەسشىسى، قازاق جانە ورىس تىلدەرىندە ازىرلەنگەن، وتە پايدالى  مىنا فۋنكتسيالارى بار:

- پايدالانۋشىعا سالىق بەرەشەگىنىڭ بولۋى نەمەسە بولماۋى تۋرالى اقپاراتتى لەزدە الۋىنا مۇمكىندىك بەرەدى;

- سالىق تولەۋشىلەرگە كولىك قۇرالدارى سالىعى مەن وسىماقىنى ءوز بەتىنشە ەسەپتەۋگە كومەكتەسەدى;

- قاجەتتى انىقتامالىق اقپاراتتى بىلۋگە، سالىق كۇنتىزبەسىن پايدالانۋعا مۇمكىندىك بەرەدى;

- جەكە نەمەسە زاڭدى تۇلعانىڭ قاجەتتىلىگىنە بايلانىستى پايدالى جاڭالىقتار مەن حابارلامالار جىبەرە الادى;

- پايدالانۋشىلارعا مكك قاتىستى وزەكتى تاقىرىپتار مەن ماسەلەلەر تۋرالى بەينە ساباقتار مەن بەينە نۇسقاۋلىقتار ارقىلى مالىمەت بەرەدى;

- زاڭدى تۇلعالار ءۇشىن تولەنگەن سومالار تۋرالى اقپاراتتى بىلۋگە مۇمكىندىك بەرەدى.

چات-بوتتىڭ مكك بايلانىس ورتالىعىنا كەلىپ تۇسەتىن وتىنىشتەر نەگىزىندە ازىرلەنگەن دەرەكتەر بازاسى بار، بۇل پايدالانۋشىعا وپەراتوردىڭ قاتىسۋىنسىز سالىق جانە كەدەن زاڭناماسى بويىنشا ءجيى قويىلاتىن سۇراقتارعا لەزدە جاۋاپ الۋعا مۇمكىندىك بەرەدى.

پايدالانۋشى ارقاشان دا بەرىلگەن جاۋاپتارعا  باعا قويا الادى، سونىمەن قاتار سۇراق قويۋعا، چات-بوت وپەراتورىنا تىكەلەي ءوتىنىش نەمەسە تىلەك جازۋعا مۇمكىندىكتەر قاراستىرىلعان.

اعىمداعى جىلى چات-بوتتى دامىتۋ بويىنشا جۇمىس جالعاستىرىلادى، ونىڭ توڭىرەكتە سالىق تولەۋشىلەرگە كوپتەگەن قوسىمشا مۇمكىندىكتەر بەرىلەدى، مىسالعا، سالىق ەسەپتىلىگىن ۇسىنۋ مەرزىمىن، سالىقتاردى تولەۋ مەرزىمىن وتكىزىپ الماۋ، بانك شوتتارىن بۇعاتتاۋ (تىيىم سالۋ) تۋرالى جانە باسقا دا ماڭىزدى اقپاراتتى ءبىلۋ.

مەملەكەتتىك قىزمەتتەردى الۋ پروتسەسىندە بايلانىستاردى بارىنشا ازايتۋ، ياعني،  مەملەكەتتىك كىرىستەر ورگاندارىنا بارۋدى بولدىرماۋ، ۋاقىتتى ۇنەمدەۋ جانە مالىمەتتەر الۋ ساپاسىن جاقسارتۋ جانە ونى دامىتۋ ءۇشىن @SalyqBot ساندىق سالىق كەڭەسشىسىنە جازىلىڭىز جانە ونى ءتيىمدى قولدانىڭىز.

كۋرمانالي اسقار عالىمبەكۇلى

الماتى قالاسى المالى اۋدانى بويىنشا
مەملەكەتتىك كىرىستەر باسقارماسىنىڭ باس مامانى

Abai.kz