ۋكرايناداعى زاپوروجە اتوم ەلەكتر ستانتسياسى اۋماعىندا ءورت شىقتى. ۋكراينا سىرتقى ىستەر ءمينيسترى دميتري كۋلەبا ەنەرگودار قالاسىنداعى زاپوروجە اتوم ەلەكتر ستانتسياسىنداعى ورتكە رەسەيلىك اسكەردىڭ شابۋىلى سەبەپ بولعانىن مالىمدەدى.

"رەسەي ارمياسى ەۋروپاداعى ەڭ ءىرى اتوم ەلەكتر ستانتسياسى زاپوروجە اتوم ەلەكتر ستانتسياسىن جان-جاقتان اتقىلاپ جاتىر. ءورت قازىردىڭ وزىندە تۇتانىپ ۇلگەردى. ەگەر ول جارىلسا، چەرنوبىلدان 10 ەسە جويقىن بولادى. رەسەي تەز ارادا اتىستى توقتاتۋى كەرەك، ءورت سوندىرۋشىلەرگە قاۋىپسىزدىك ورناتۋعا مۇمىكىندىك كەرەك", - دەدى ۋكراينا سىرتقى ىستەر ءمينيسترى.

ەنەرگودار قالاسىنىڭ مەرى دميتري ورلوۆ جۇماعا قاراعان ءتۇنى جاقىن ماڭداعى زاپوروجە اتوم ەلەكتر ستانتسياسىنىڭ عيماراتتارى مەن بلوكتارى ۇزدىكسىز شابۋىلعا ۇشىراپ، سالدارىنان ەۋروپاداعى ەڭ ءىرى اتوم ەلەكتر ستانتسياسىندا ءورت شىققانىن مالىمدەدى.

Abai.kz