"قازاقستان ۋكراينا حالقىنا ءدارى-دارمەك جانە باسقا دا قاجەتتى ازىق-تۇلىك جاعىنان گۋمانيتارلىق كومەك كورسەتۋگە دايىن. قازىرگى ۋاقىتتا ولاردى كوزدەلگەن جەرگە كولىكپەن جەتكىزۋ جولدارى قاراستىرىلىپ جاتىر", – دەلىنگەن حابارلامادا.
توقاەۆ "ۋكراينا داعدارىسىن وتە اۋىر" دەپ سانايدى.
"سوندىقتان بەيبىت تۇرعىنداردىڭ بۇدان بىلاي جاپا شەكپەۋى جانە ۋكراينا اۋماعىنداعى ازاماتتىق ينفراقۇرىلىمنىڭ تولىق قيراۋىنا جول بەرمەۋ ءۇشىن قاقتىعىستى بەيبىت جولمەن شەشۋدىڭ جاڭا ديپلوماتيالىق مۇمكىندىكتەرىن قاراستىرۋ كەرەك", - دەپ مالىمدەگەن مەملەكەت باسشىسى.
سونىمەن بىرگە، توقاەۆ بۇكىل مەملەكەتتىڭ "بۇۇ جارعىسىنداعى نورمالار مەن قاعيداتتاردى بەرىك ۇستانۋعا ءتيىس ەكەنىن ايتتى".
بۇنىڭ الدىندا، 3 ناۋرىزدا، قاسىم-جومارت توقاەۆ "ۆلاديمير زەلەنسكيمەن ۋكرايناداعى جاعداي تۋرالى سويلەسكەنىن", سول كەزدە "گۋمانيتارلىق سالاداعى ىنتىماقتاستىقتى نىعايتۋعا كەلىسكەنىن" تۆيتتەردەگى پاراقشاسىندا جازعان.
Abai.kz
