«Abai.kz» مىنبەرى دەپ ات قويىپ، جاڭا ايدار اشىپ وتىرمىز. اشۋداعى ماقسات - ءار قازاق بالاسىنا ءوز ويىن، كوزقاراسىن ەل جەتكىزۋگە مۇمكىندىك بەرۋ. سول ارقىلى ايتارى ازاماتتاردىڭ وي بىرلىگىن ۇيىتۋ. البەتتە، ءسوز - ەل ىشىندەگى ءارتۇرلى جاعداياتتار مەن قازاقتىڭ بۇگىنى مەن ەرتەڭىنە وزىندىك ويدىڭ ءورىمى بولارى ءسوزسىز.

مىنبەردە - جۋرناليست جاراس نيازبەك.

«Abai.kz» مىنبەرى دەپ ات قويىپ، جاڭا ايدار اشىپ وتىرمىز. اشۋداعى ماقسات - ءار قازاق بالاسىنا ءوز ويىن، كوزقاراسىن ەل جەتكىزۋگە مۇمكىندىك بەرۋ. سول ارقىلى ايتارى ازاماتتاردىڭ وي بىرلىگىن ۇيىتۋ. البەتتە، ءسوز - ەل ىشىندەگى ءارتۇرلى جاعداياتتار مەن قازاقتىڭ بۇگىنى مەن ەرتەڭىنە وزىندىك ويدىڭ ءورىمى بولارى ءسوزسىز.

مىنبەردە - جۋرناليست جاراس نيازبەك.

جاراس - الماتى قالاسى اكىمشىلىگىنىڭ «پوشتابايى» كۋيانوۆ سالعان قيقۋدىڭ كەسىرىنەن جۇمىستان شىققان جۋرناليست. ول «الماتى» ارناسىندا «تاريح تارازىسى» دەپ اتالاتىن حاباردى جاساپ، جۇرگىزگەن ازامات.

العاشقىدا «Abai.kz» مىنبەرىندە «الماتى» ارناسىنان جۇمىستان بوساعان ارىپتەس باۋىرلارىمىز كەزەك-كەزەك ءسوز الادى. بۇل - قازاق جۋرناليستتەرىنىڭ تاپتالىپ جاتقان قۇقىعىنا، كەتىپ جاتقان ەسەسىنە، سەبەپسىز قاعاجۋ كورىپ جۇرگەن ءحالىن حالىق ءبىلسىن نيەت جانە قالامىن قارۋ ەتكەن بۇگىنگى قازاق ءسوزىنىڭ باس يەسى - قازاق جۋرناليستتەرىنە قولداۋ.

«Abai.kz»

تومەندەگى تىلدەي حاتتى رەداكتسيامىزعا جاس جۋرناليستتەر جىبەرىپتى. ارىپتەستەرىنە قاراتىپ جازعان حات ءماتىنىن تولىق جاريالاۋدى ءجون كوردىك.

حات اۆتورلارى اۋەلى قازاق جۋرناليستتەرىنىڭ حاتقا كورسەتەر قولداۋىنىڭ اڭىسىن ءبىلىپ، اتى-ءجونىمىزدى سوسىن جاريا ەتەرمىز دەدى.

جۋرناليستەر نازارىنا!

قادىرمەندى ارىپتەستەر!

ءبىز «قازاق ءتىلى»، «ۇلت» دەپ ۇرانداتقان، ۇلتىن سۇيگەن ۇلاندار ەدىك قوي!

قازاق ءتىلىنىڭ سويىلىن سوققانى ءۇشىن ءبىر ءجۋرناليستىڭ نامىسى تاپتالدى. ول سوعان شىداي الماي جۇمىستان شىعۋدى ءجون كوردى. ونى قولداپ ونداعان ارىپتەسى قىزمەتتەن كەتۋ تۋرالى ارىز جازدى. نە ءۇشىن؟ ۇلتتىق نامىسى جىبەرمەدى. وسى جاعدايدان ءبارىمىز حاباردارمىز. بىراق قولداۋ كورسەتە الماي وتىرمىز. ءبىز ءتورتىنشى بيلىك يەسى ەمەس پە ەدىك؟! بىرىكسەك جەر قايىسقان قول، قاھارىنان حان شوشىر قازاق ءسوزىنىڭ يەسى ەمەسپىز بە! قازاق ءتىلىن تاستاندى ءتىل سانايتىنىن الماتى قالاسى اكىمىنىڭ ءباسپاسوز حاتشىسى كۋيانوۆ اشىق جاريالاپ وتىر. سونىڭ كەسىرىنەن قانشاما قازاق جۋرناليستتەرى كۇنكورىس كوزىنەن قاعىلىپ وتىر. وسى جولى ءۇنسىز قالساق، بۇدان سوڭ «انا ءتىلى، بابا ءتىلى» دەگەن بىلدىر-باتپاعىمىزعا كىم سەنەدى؟ نە بەتىمىزبەن «ۇلتىم، ءتىلىم، مەملەكەتىم» دەپ ماقالا جازامىز؟

«الماتى» ارناسىنان جۇمىستان كەتكەن جۋرناليستەردىڭ ءبىر توبىمەن كەزىگىپ قالدىق. بىرەۋى: «بالا جىلاعان سايىن مازا كەتىپ، ۇيدە وتىرمىز» دەيدى...

بارشا قازاق جۋرناليستتەرىن «الماتى» ارناسىنان «پوشتاباي» كۋيانوۆتىڭ كەسىرىنەن جۇمىستان كەتكەن ارىپتەستەرىمىزدى جان-جاقتى قولداۋ شاقىرامىز!