2021 جىلى قازاقستان بيلىگى ت2 ترلن بيۋدجەت قاراجاتىن ءتيىمسىز پايدالاندى. بۇل تۋرالى قر پرەزيدەنتى جانىنداعى مەملەكەتتىك باسقارۋ اكادەمياسىنىڭ پروفەسسورى التاي زەينەلعابدين ءمالىم ەتتى.

دەبيتورلىق بەرەشەك دەگەنىمىز – بەلگىلى ءبىر دەڭگەيدە ناتيجەسى جوق،  ورىندالماعان جۇمىستار مەن قىزمەتتەر ءۇشىن اۋدارىلعان اقشانى بىلدىرەدى. ونى ەسەپ كوميتەتى بىرنەشە رەت ايتتى. 2021 جىلعى 1 جەلتوقساندا 1, 033 ترلن تەڭگەنى قۇراعان بيۋدجەت قاراجاتىنىڭ قالدىعى ەكونوميكانىڭ وسۋىنە اسەر ەتپەگەنىندەي  963 ملرد تەڭگە قاراجات تا  قازاقستان ەكونوميكاسىنىڭ ءوسۋى ءۇشىن مۋلتيپليكاتسيالىق اسەر بەرگەن جوق،-  دەدى زەينەلگابديننىڭ سەناتتا سويلەگەن سوزىندە.

وسىلايشا، بيلىك 2 ترلن تەڭگە بيۋدجەت قاراجاتىن ءتيىمسىز پايدالاندى.

زەينەلعابديننىڭ ايتۋىنشا، بيۋدجەتتەن قاراجات ۋاقتىلى اۋدارىلىپ، قىسقا مەرزىمدە سوڭعى پايدالانۋشىعا جەتۋى كەرەك. الايدا، رەسپۋبليكالىق جانە جەرگىلىكتى بيۋدجەتتەردەن اقشا ءبىر جىل ىشىندە بىركەلكى اۋدارىلمايدى. ناتيجەسىندە، جىل سوڭىندا بيۋدجەت قاراجاتىن يگەرۋ ءۇشىن جەرگىلىكتى بيۋدجەتتەرگە قوماقتى اقشا اۋدارىلىپ، ولار اۋداندارعا اۋدارىلادى. ناتيجەسىندە، قازاقستاندا جىل سايىن دەبيتورلىق بەرەشەك ۇلعايىپ كەلەدى. پروفەسسوردىڭ ايتۋىنشا، 2022 جىلدىڭ 1 قاڭتارىندا 2019 جىلمەن سالىستىرعاندا 1,7 ەسەگە ارتىپ، 963 ملرد تەڭگەگە جەتتى.

«1, 033 ترلن تەڭگە بيۋدجەت قاراجاتىنىڭ قالدىقتارىنىڭ شامامەن 820 ملرد تەڭگەسى جەرگىلىكتى بيۋدجەتتىڭ قالدىقتارى”، - دەدى ول.

«2022 جىلدىڭ 1 قاڭتارىندا بۇل سوما ەكى ەسە ازايدى. ياعني، جەلتوقسان ايىندا 600 ملرد تەڭگەدەن استام قاراجات الەۋمەتتىك-ەكونوميكالىق ماسەلەلەردى شەشۋگە اۋدارىلدى. سۇراق: بيۋدجەتتىڭ سالىق بازاسىنىڭ ۇلعايۋىنا سايكەس كەلمەيتىن بۇل قاراجات جىل سوڭىندا ناقتى ناتيجە شىعارۋ ءۇشىن قانشالىقتى ءتيىمدى پايدالانىلدى؟»، - دەگەن سۇراق قويدى پروفەسسور.

Abai.kz