الماتى قالاسى اكىمدىگى مەن باسەكەلەستىكتى قورعاۋ جانە دامىتۋ اگەنتتىگى “الماتى قالا جارىق” مەملەكەتتىك كوممۋنالدىق كاسىپورىنىن كوممۋنالدىق مەنشىككە قايتارۋ ءۇشىن بىرلەسىپ جۇمىس جۇرگىزگەن، دەپ حابارلايدى Dalanews.kz. بۇل جونىندە اكىمدىكتىڭ سايتىندا جازىلعان.

كومپانيا قالانىڭ سىرتقى جارىقتاندىرۋ جۇيەسىن اۆتوماتتاندىرۋ جانە ورتالىقتاندىرۋ بويىنشا باقىلاۋعا جاۋاپتى.

2021 جىلدىڭ جەلتوقسان ايىنىڭ سوڭىندا سول كەزدە الماتى قالاسىنىڭ اكىمى بولىپ تۇرعان باقىتجان ساعىنتاەۆتىڭ شەشىمىمەن “الماتى قالا جارىق”  مكك تەندەر ارقىلى جۇزەگە اسىرىلعان. ناتيجەسىندە “ABM Group.com” جشس جەڭىمپاز اتانىپ، كەلىسسوزدەر سوماسى 4,6 ملرد تەڭگەنى قۇراعان. ال بولجامدى قۇنى 14,8 ملرد تەڭگە دەپ ەسەپتەلگەن.

باسەكەلەستىكتى قورعاۋ جانە دامىتۋ اگەنتتىگىنىڭ الماتى قالاسى بويىنشا دەپارتامەنتى ۇيىمنىڭ قالاداعى سىرتقى جارىقتاندىرۋ جۇيەلەرىن اۆتوماتتاندىرىلعان ءارى ورتالىقتاندىرىلعان باسقارۋ قىزمەتتەرىن كورسەتۋ نارىعىندا مونوپوليالىق جاعدايعا يە ەكەنىن انىقتادى.

“قازاقستان رەسپۋبليكاسىنىڭ مەملەكەتتىك مۇلىك تۋرالى زاڭىنىڭ نورمالارىنا سايكەس ۇستەم نەمەسە مونوپوليالىق جاعدايدى يەلەنەتىن نارىق سۋبەكتىلەرى بولىپ تابىلاتىن ۇيىمداردى جەكەشەلەندىرۋ تۋرالى شەشىم قابىلداۋ ەل ۇكىمەتىنىڭ قۇزىرەتىنە جاتادى.

وسىلايشا، الماتى اكىمدىگىنىڭ “الماتى قالا جارىعىن” جەكەشەلەندىرۋ تۋرالى قاۋلىسى مەملەكەتتىك مۇلىك تۋرالى زاڭناما نورمالارىنا قايشى كەلەدى جانە باسەكەلەستىكتى شەكتەيدى", – دەلىنگەن اكىمدىك مالىمدەمەسىندە.

قازىرگى قالا بيلىگىنىڭ پىكىرىنشە، “الماتى قالا جارىعىن” جەكەشەلەندىرۋ ستراتەگيالىق مەملەكەتتىك كاسىپورىندى جوعالتۋعا اكەپ سوعۋى مۇمكىن. سول سەبەپتى الماتى اكىمدىگى كومپانيانى جەكەشەلەندىرۋ تۋرالى شەشىمنىڭ كۇشىن جويۋ شارالارىن قولعا الۋدا.

Abai.kz