قاپشاعاي قالاسىنا دىنمۇحامەد قوناەۆتىڭ اتى بەرىلەتىن بولدى. بۇل شەشىمدى قاپشاعاي قالاسى ءماسليحات دەپۋتاتتارى ءبىراۋىزدان قولداپ، ءتيىستى شەشىم شىعاردى.

قالالىق مادەنيەت ءبولىمى باسشىسىنىڭ ايتۋىنشا، وتكەن اپتادا قاپشاعاي اكىمىنە ەلدى مەكەننىڭ اتىن وزگەرتۋ جونىندە ونداعان ۇسىنىستار تۇسكەن. سوڭعى شەشىمدى مەملەكەت باسشىسى  قاسىم-جومارت توقاەۆ قابىلداۋى كەرەك.

«قاپشاعاي قالاسى ەلىمىزدىڭ ءبىرتۋار ازاماتى د.قوناەۆتىڭ ەسىمىمەن تىعىز بايلانىستى. ەگەر تۇرعىندار قالاعا قوناەۆتىڭ ەسىمىن بەرۋدى ۇسىنسا، مەن مۇنى قولدايمىن. جەرگىلىكتى تۇرعىندار جاپپاي قولداسا، وسى باستامالاردى تاياۋ ارادا جۇزەگە اسىرۋعا بولادى»،- دەگەن ەدى مەملەكەت باسشىسى قازاقستان حالقىنا جولداۋىندا.

جولداۋدان كەيىن باستامانى قولداعان جەلى قولدانۋشىلارى ەgov.press پلاتفورماسىنا پەتيتسيا جاريالاپ، قول جيناي باستادى.

Abai.kz