2 مامىردان باستاپ "الماتى-2 – تاشكەنت – الماتى-2" باعىتىندا "تۇلپار-تالگو" جۇردەك پويىزى قاتىنايدى، دەپ حابارلادى "ۋزبەكيستون تەمير يۋللاري" كومپانياسىنىڭ ءباسپاسوز قىزمەتى.

"قازاقستان تەمىر جولى" كومپانياسىنىڭ №½ رەيستەرى اپتاسىنا ءۇش رەت ورىندالادى. پويىز "الماتى-2" ۆوكزالىنان وزبەكستانعا دۇيسەنبى، سارسەنبى جانە سەنبى كۇندەرى، ال "ورتالىق تاشكەنت" ۆوكزالىنان قازاقستانعا سەيسەنبى، بەيسەنبى جانە جەكسەنبى كۇندەرى جولعا شىعادى.

بۇنىڭ الدىندا "نۇكىس - بەينەۋ - نۇكىس" باعىتىنداعى جولاۋشى پويىزى ساۋىردەن باستا قاتىناي باستايتىنى حابارلانعان.

"ۋزبەكيستون تەمير يۋللاري" ۋاقىت وتە كەلە جاقىن شەتەلگە باسقا دا رەيستەر جۇرە باستايتىنىن اتاپ ءوتتى. ەسكە سالايىق، وزبەكستان شەتەلمەن تەمىر جول قاتىناسىن 2020 جىلعى ناۋرىزدا كوروناۆيرۋس ىندەتىنە بايلانىستى توقتاتقان.

Abai.kz