رەسەي پرەزيدەنتى ۆلاديمير پۋتين شەشەنستان باسشىسى رامزان قادىروۆقا ىشكى اسكەرلەردىڭ گەنەرال-لەيتەنانتى اتاعىن بەردى. مۇنى شەشەنستان پارلامەنتىنىڭ سپيكەرى ماگومەد داۋدوۆ راستاعان.

داۋدوۆتىڭ ايتۋىنشا، شەشەنستانداعى حالىقارالىق تەرروريزمدى جەڭۋگە قادىروۆتىڭ قوسقان ۇلەسى زور. ول - وتانى مەن حالقىنا شىنايى قىزمەت ەتۋدىڭ ۇلگىسىندەي بولدى.

شەشەنستان باسشىسى بۇعان دەيىن كامەلەتكە تولماعاندار مەن قارتتاردان باسقا ەر ادامداردىڭ ءبارى رەسەيدىڭ ۋكرايناداعى «ارنايى وپەراتسياسىنا» قاتىسىپ جاتىر دەپ، رەسەيگە «شىن بەرىلگەنىن» ءبىر ەسكە سالعان بولاتىن. ونىڭ سوزىنشە، ۋكرايناداعى شەشەندەر ءۇشىن رەسپۋبليكانىڭ مىڭداعان تۇرعىندارى ءار كەش سايىن دۇعا ەتەدى ەكەن.

Abai.kz