Ресей президенті Владимир Путин Шешенстан басшысы Рамзан Қадыровқа ішкі әскерлердің генерал-лейтенанты атағын берді. Мұны Шешенстан парламентінің спикері Магомед Даудов растаған.

Даудовтың айтуынша, Шешенстандағы халықаралық терроризмді жеңуге Қадыровтың қосқан үлесі зор. Ол - Отаны мен халқына шынайы қызмет етудің үлгісіндей болды.

Шешенстан басшысы бұған дейін кәмелетке толмағандар мен қарттардан басқа ер адамдардың бәрі Ресейдің Украинадағы «арнайы операциясына» қатысып жатыр деп, Ресейге «шын берілгенін» бір еске салған болатын. Оның сөзінше, Украинадағы шешендер үшін Республиканың мыңдаған тұрғындары әр кеш сайын дұға етеді екен.

Abai.kz