Abai.kz اقپاراتتىق پورتالىندا 9 ناۋرىز 2022 جىلى «قامىس قۇرلى پانا بولماعان اكىمدىك» اتتى جۋرناليست وڭعار قابدەننىڭ ماقالاسى جاريالاندى. اتالعان ماقالادا قىزىلوردا وبلىسى، قازالى اۋىلىنداعى ۆەنەرا تايلاقباەۆا دەگەن كاسىپكەر ايەل مەن وبلىستىق انتيمونوپوليانىڭ ورىنباسارى قازىعۇلوۆ ەركىن اراسىنداعى داۋلى ماسەلە باياندالعان ەدى.

ماقالادا: «قىزىقتىڭ كوكەسى الدا. وبلىستىق انتيمونوپولياعا ارىز جازادى. ارىزدى انتيمونوپوليانىڭ ورىنباسارى قازىعۇلوۆ ەركىن قابىلداپ، باقىلاۋىنا الادى. كوپ ۇزاماي ۆەنەراعا قوجاحمەتوۆ عابيت پەن ولجاس دەگەن جىگىت حابارلاسىپ، بولات نازارباەۆتىڭ ادامدارى ەكەنىن ايتىپ، ءىستى شەشىپ بەرەتىنىن، بىراق 50% دوليادا جۇمىس ىستەيمىز دەگەن. سويتسە، قوجاحمەتوۆ عابيت ەركىنۇلى انتيمونوپوليانىڭ ورىنباسارى قازىعۇلوۆ ەركىن قوجاحمەتۇلىنىڭ ۇلى ەكەن!»، دەگەن جولدار بار.

Abai.kz ەركىن اقپارات الاڭى. مۇنداي وي جارىستىرىپ، پىكىر تالاستىرۋعا قازاقستانىڭ كەز كەلگەن ازاماتى قۇقىلى. جوعارىداعى ماقالا رەداكتسيا ۇستانىمىن بيۋىلدىرمەيدى.

جۋىردا رەداكتسيامىزدىڭ ەلەكتروندىق پوشتاسىنا ە.ق. قازىعۇلوۆتان وكىلى: ف.ۇ.ۇزاقوۆ اتىنان تەرىستەمە تالاپ ەتۋ حابارلاماسى كەلىپ ءتۇستى. اتالعان حابارلامادا ە.ق. قازىعۇلوۆتىڭ وكىلى ف.ۇ.ۇزاقوۆ قۇجاتتىق دالەلدەمەلەر كەلتىرە وتىرىپ، قارسى پىكىر بىلدىرگەن.

«قر باق تۋرالى» زاڭىنا سايكەس، ءبىز ەكىنشى تاراپتىڭ پىكىرىن دە جاريالاۋعا ءارى دالەلدەمە قۇجاتتارى كەلتىرىلگەن سوڭ، تەرىستەمە بەرۋگە مىندەتتىمىز. «بۇقارالىق اقپارت قۇرالدارى تۋرالى» قازاقستان رەسپۋبليكاسى زاڭىنىڭ 19-بابىنىڭ 1-بولىگىنە سايكەس (بۇدان ءارى -زاڭ), ازامات نەمەسە زاڭدى تۇلعا بۇقارالىق اقپارات قۇرالدارىنان وسى بۇقارالىق اقپارات قۇرالىندا تاراتىلعان، شىندىققا سايكەس كەلمەيتىن جانە ار-نامىسىنا، قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن مالىمەتتەردى تەرىسكە شىعارۋدى تالاپ ەتۋگە قۇقىلى. مۇنداي قۇقىققا ازاماتتىڭ نەمەسە زاڭدى تۇلعانىڭ وكىلدەرى دە يە بولادى. ازامات نەمەسە زاڭدى تۇلعا تەرىسكە شىعارۋعا ءوتىنىش جاساعان جاعدايدا، بۇقارالىق اقپارات قۇرالىندا تاراتىلعان مالىمەتتەردىڭ شىندىققا سايكەس كەلەتىنى جونىندە دالەلدەمەلەرى بولماعان وسى بۇقارالىق اقپارات قۇرالىنىڭ رەداكتسياسى ولاردى سول بۇقارالىق اقپارات قۇرالىندا تەرىسكە شىعارۋعا مىندەتتى.

قارسى تالاپ-پىكىر:

«اتاپ ايتقاندا، ازاماتشا ۆ.تايلاكباەۆا 02.09.2021 جىلى جەرگىلىكتى ۋاقىتپەن 16:48-دە دەپارتامەنت باسشىسى اتىنا جەر ماسەلەسى بويىنشا جازعان ارىزى تىركەلىپ، سول كۇنى، جەرگىلىكتى ۋاقىت 16:51-دە، باسشىلىق تاراپىنان  ماعان انىقتاپ قاراپ ۇسىنىس ەنگىزىڭىز دەگەن بۇرىشتامامەن ورىنداۋعا تۇسكەن.

مەن، ءوز كەزەگىمدە اتالعان ارىزدى سول كۇنى، جەرگىلىكتى ۋاقىت 16:52-دە دەپارتامەنتتىڭ تەرگەۋ ءبولىمىنىڭ باسشىسى ە.كاريباەۆقا ارىزدى قاراستىرۋ جانە ۇسىنىس بەرۋ دەگەن بۇرىشتامامەن ورىنداۋعا جولدادىم.

03.09.2021 جىلى دەپارتامەنتتىڭ تەرگەۋ ءبولىمىنىڭ باسشىسى ە.كاريباەۆپەن ارىز جان-جاقتى قاراپ، اتالعان وتىنىشتە قويىلعان ماسەلەلەر  دەپارتامەنتتىڭ قاراۋىنا  جاتپايتىن بولعاندىقتان، قىزىلوردا وبلىسىنىڭ اكىمدىگىنە جولداۋ تۋرالى قاتىناس حات دايىنداپ،  دەپارتامەنت باسشىسىمەن قول قويىلىپ، نەگىزىنەن قاراپ، ارىز يەسىنە زاڭمەن كوزدەلگەن مەرزىمدە جاۋاپ بەرۋگە دەپ جولدانعان (قازاقستان رەسپۋبليكاسىنىڭ اكىمشىلىك راسىمدىك-پروتسەستىك كودەكسىنىڭ 65-بابىنا سايكەس). (دەپارتامەنت حاتى كوشىرمەسى قوسىمشا تىركەلدى).

ياعني، اتالعان ارىز مەنىمەن قابىلداپ الىنباعان جانە باقىلاۋىمدا بولماعان.(اقپاراتتىق جۇيەدەن جاسالىنعان سكرينشوت قوسىمشا تىركەلدى).

سونىمەن قاتار، ازامات اياپبەرگەنوۆ رايىسبەك ورداباەۆيچ "ازيا قامىش" جشس-ءنىڭ جالعىز قۇرىلتايشىسى، دەمەك ع.ە.قوجاحمەت اتالعان سەرىكتەستىكتىڭ 50% قۇرىلتايشىسى بولىپ تانىلمايدى.(دالەلدەۋشى قۇجات قوسىمشا تىركەلدى)».

Abai.kz اقپاراتتىق پورتالى جوعارىداعىلاردى نەگىزگە الا وتىرىپ، 09,03,2022 جارىق كورگەن «قامىس قۇرلى پانا بولماعان اكىمدىك» اتتى ماقالانى تەرىستەيدى.

Abai.kz