رەسەي 9 ساۋىردە 52 ەلگە ۇشۋعا تىيىم سالعان كوۆيد شەكتەۋلەرىن جويادى، – دەپ مالىمدەدى پرەمەر-مينيستر ميحايل ميشۋستين.

تىزىمگە رەسەيدە "دوس" مەملەكەتتەر ەندى، دەدى شەنەۋنىك. ماسەلەن، وندا اۋعانستان، ەگيپەت، قىتاي جانە ماروككو بار.

ءميشۋستيننىڭ ايتۋىنشا، كوروناۆيرۋس جۇقتىرعاندار كورسەتكىشى ازايىپ كەلەدى، سول سەبەپتى رەسەيلىك اۋە كومپانيالارىنىڭ ۇشۋ باعىتتارىن كوبەيتەتىن ۋاقىت كەلدى.

بۇعان قوسا، 9 ساۋىردە قىتايمەن شەكارادا رەسەيلىكتەر مەن شەتەل ازاماتتارىنا قۇرلىقتاعى شەكارادان وتۋگە جاريالانعان شەكتەۋلەردىڭ ءبارى الىنادى. رەسەيدىڭ باسقا دا ەلدەرمەن شەكاراسىنان ءوتۋ كەزىندە كەيبىر شەكتەۋلەر ءالى الىنعان جوق. ولار 2020 جىلى كوروناۆيرۋس ىندەتى كەزىندە جاريالانعان.

رەسەيدىڭ ۋكرايناداعى "ارنايى وپەراتسياسى" باستالعالى ەۋروپا وداعىنىڭ مۇشەلەرى، اقش، ۇلىبريتانيا جانە باسقا دا ەلدەر رەسەيلىك ۇشاقتار ءۇشىن اۋە كەڭىستىكتەرىن جاپتى.

Abai.kz