2021 جىلعى 20 قىركۇيەك كۇنى الماتىنىڭ اقبۇلاق شاعىن اۋدانىندا كىسى قولىنان قايتىس بولعان بەس ادامنىڭ ولىمىنە قاتىستى ءىس بويىنشا سوت پروتسەسى جالعاسۋدا. سوتتالۋشى بولعان وقيعاعا قاتىستى ءوز نۇسقاسىن ۇسىندى. بۇل تۋرالى Zakon.kz-كە سىلتەمە جاساپ Abai.kz حابارلايدى. 

يگور دۋجنوۆ جاۋاپ الۋ كەزىندە 2021جىلعى 20 قىركۇيەكتەگى وقيعانىڭ ءمان-جايىن ايتتى. ايىپتالۋشىنىڭ ايتۋىنشا، سوت ورىنداۋشى ولاردى زاڭسىز كوشىرمەك بولعان.

"وتباسىمدى كوشەگە قاڭعىرتىپ جىبەرەتىنىن ءتۇسىندىم. زاڭسىز كوشىرۋدى توقتاتۋدىڭ بىردەن-ءبىر جولى ءۇيىمنىڭ اۋماعىنا باسىپ كىرگەن قارسىلاستى تالقانداۋعا باعىتتالعان بەلسەندى قارسىلىقتى قولدانۋ بولدى. گاراجدا قارۋىم بولاتىن. مەن گاراجعا كىرىپ، ۇلكەن وقجاتارعا ون وق سالىپ، ىڭعايلى جەرگە باردىم دا، باسقىنشىلارعا: «قابىرعاعا!» دەپ بۇيرىق بەردىم. قاتىسى جوق ادامدارعا شەتكە كەتىپ قالۋعا مۇمكىندىك بەردىم" - دەيدى يگور دۋجنوۆ.

سوتتالۋشى ءوزىن كىنالى دەپ سانامايدى، ويتكەنى ول وتباسىن زاڭسىز كوشىرۋگە جول بەرمەۋدە باسقا امال بولمادى دەپ وتىر.

«كىسى ءولتىرۋ» جانە «بيلىك وكىلىنە شابۋىل» بابى بويىنشا تەرگەۋ باستالدى. ول 20 جىلعا دەيىن نەمەسە ءومىر بويىنا باس بوستاندىعىنان ايىرىلۋى مۇمكىن.

Abai.kz