اقش پرەزيدەنتى دجو بايدەن رەسەيگە قارسى جاڭا سانكتسيا پاكەتىن بەكىتتى. اقش جانە ونىڭ ۇلكەن جەتىلىك ەلدەرىندەگى، ەۋروپالىق وداقتاعى سەرىكتەستەرى رەسەيدىڭ ۋكرايناداعى سوعىسىن، اسىرەسە بۋچا قالاسىن قاتىگەزدىكپەن تالقانداعانىن سىنادى.

ء"بىز وسى زۇلىمدىقتىڭ بارلىعىن قۇجاتتا ساقتايمىز جانە كىنالىلەردى جاۋاپقا تارتۋ ءۇشىن بارلىق قول جەتىمدى تەتىكتەردى قولدانامىز", – دەپ اتاپ ءوتتىلدى اق ءۇيدىڭ پرەسس-رەليزىندە.

اقش بىرقاتار رەسەيلىك شەنەۋنىكتەر مەن ولاردىڭ وتباسى مۇشەلەرىنە سانكتسيالار سالدى. ونىڭ شىندە رەسەي پرەزيدەنتى ۆلاديمير ءپۋتيننىڭ ەكى قىزى،رەسەي ءسىم باسشىسى سەرگەي لاۆروۆتىڭ ايەلى مەن قىزى، دميتري مەدۆەدەۆ پەن ەلدىڭ پرەمەر-ءمينيسترى ميشۋستين جانە رەسەي قاۋىپسىزدىك كەڭەسىنىڭ مۇشەلەرى بار.

پرەزيدەنت دجو بايدەن رەسەي ەكونوميكاسىنا جاڭا ينۆەستيتسيا قۇيۋعا تىيىم سالۋ تۋرالى جارلىققا قول قويدى. سونىمەن قاتار، رەسەي فەدەراتسياسىنىڭ ەڭ ءىرى قارجى ۇيىمى، بارلىق بانك اكتيۆتەرىنىڭ ۇشتەن ءبىر بولىگىن الاتىن سبەربانككە، تاعى ءبىر ءىرى بانك - الفا بانكىنە سانكتسيالار سالىپ جاتىر.

Abai.kz