پرەزيدەنت سايلاۋىنىڭ 10 ساۋىردەگى ءبىرىنشى تۋرىنان كەيىن جاريالانعان ەكزيت-پول ناتيجەسى وسىنى كورسەتتى.

ازىرگە ءتورت ساۋالناما ناتيجەسى جاريالاندى. ول بويىنشا، ماكرون 28-29,5 پايىز شاماسىندا داۋىس جيناسا، لە پەن كورسەتكىشى 23-24,5 پايىز ارالىعىندا بولدى.

سولشىلدار ۇمىتكەرى جان-ليۋك مەلانشون شامامەن 20 پايىز داۋىسپەن ءۇشىنشى ورىندا تۇر. جەكسەنبى كەشىندە سويلەگەن سوزىندە ول ماكروندى اشىق قولدامادى، بىراق جاقتاستارىن ەكىنشى تۋردا لە پەنگە داۋىس بەرمەۋگە شاقىردى.

ءتورتىنشى ورىن العان ۇلتشىل ەريك زەممۋر بولسا لە پەنگە قولداۋ ءبىلدىردى.

سايلاۋ ناتيجەسى بەس جىل بۇرىنعى ساياسي ناۋقاندى ەسكە ءتۇسىردى. سول كەزدە دە سايلاۋدىڭ ەكىنشى تۋرىنا ماكرون مەن لە پەن شىققان. قازىرگى پرەزيدەنت ەكىنشى تۋردا سەنىمدى تۇردە جەڭىسكە جەتكەن. بۇل جولى، الەۋمەتتانۋشىلاردىڭ بولجامىنا قاراعاندا، ەكى ساياساتكەر اراسىنداعى كۇرەس تارتىستى بولادى.

ەكىنشى تۋر ەكى اپتادان سوڭ وتەدى.

Abai.kz