2018 جىلى 19 قازاندا ميرزياەۆ پەن پۋتين جىزاقتا اەس قۇرىلىسىنىڭ سيمۆوليكالىق كونوپكاسىن باسقان. 11 ملرد دوللارعا باعالانعان اتوم ەلەكتر ستانتسياسىن رەسەيلىك “روساتوم” مەملەكەتتىك كومپانياسى ماسكەۋدىڭ نەسيەسىنە سالماق بولعان.

رەسەي ۋكرايناعا باسقىنشىلىق جاساعاننان كەيىن جوبانىڭ بولاشاعى بۇلىڭعىر بولىپ قالدى. ماقالادا رەسەيگە ەنگىزىلگەن سانكتسيالارعا بايلانىستى “روساتوم” كومپانياسىمەن ارىپتەستىك جاساۋ قيىن بولاتىنى ايتىلعان.

كولۋمبيا ۋنيۆەرسيتەتىنىڭ عالامدىق ەنەرگەتيكالىق ساياسات ورتالىعىنىڭ قاۋىپسىزدىك سالاسىنىڭ حالىقارالىق باستامالار ديرەكتورى ريچارد نەفيۋ “روساتوم” سانكتسيالىق تىزىمگە ەنبەسە دە كەدەرگى كوپ بولاتىنىن ايتادى.

“قارجى ترانزاكتسياسى، تەحنولوگيالار سالاسىنداعى بارلىق سانكتسيالار جوبانى جۇزەگە اسىرۋعا كەدەرگى بولادى”.

قازىر وزبەكستان ءۇشىن بۇل جوبا ەڭ باستى پروبلەما بوپ تۇر دەلىنگەن ماقالادا

ال رەسەي بۇل جوبادان قايتپايتىنىن ءبىلدىردى. 4 ساۋىردە “روساتومنىڭ” جاۋاپتى وكىلى ۆاديم تيتوۆ:

“قازىر بۇل جوبانى جۇزەگە اسىرۋدى جالعاستىرىپ جاتىرمىز، اەس قۇرىلىسى – ەكى ەلدىڭ مۇددەسىنە جاۋاپ بەرەتىن ەكىجاقتى ارىپتەستىكتىڭ ماڭىزدىلىعىن ارتتىراتىن جوبا”، - دەگەن.

Abai.kz