وداقتىڭ مالىمەتىنە قاراعاندا، قازىر بيدايدىڭ ءبىر تونناسى 160 مىڭ تەڭگەگە دەيىن قىمباتتاعان، بىراق مۇنداي باعاداعى بيدايدىڭ ءوزىن تابۋ قيىن. سونىڭ سالدارىنان قوستاناي وبلىسىندا ديىرمەندەردىڭ – جارتىسىنان استامى، قاراعاندى وبلىسىندا 15 ديىرمەن جۇمىسىن توقتاتقان. سولتۇستىك قازاقستان، پاۆلودار وبلىستارى مەن الماتىدا دا ديىرمەندەردىڭ باسىم بولىگى جۇمىس ىستەمەي تۇر.

ء"بىز، ديىرمەنشىلەر، ەكى-ءۇش اپتادان بەرى بيداي ساتىپ الا الماي جاتىرمىز، ۇسىنىس جوق.... ۇن قاتتى قىمباتتايدى. قىمباتشىلىقتان قاشىپ قۇتىلۋ مۇمكىن ەمەس، سەبەبى ءبىز وندىرەتىن ءونىمنىڭ وزىندىك قۇنىنىڭ 85 پايىزى شيكىزاتقا بايلانىستى" دەدى استىق وڭدەۋشىلەر وداعىنىڭ ۆيتسە-پرەزيدەنتى تالعاتبەك ءاليحان. ونىڭ سوزىنەن eldala.kz سايتى ءۇزىندى كەلتىرەدى.

رەسەيدىڭ بيداي ەكسپورتىن تولىق توقتاتقانىن العا تارتقان ديىرمەنشىلەر قازاقستان اۋىل شارۋاشىلىعى مينيسترلىگىنەن بيداي ەكسپورتىن توقتاتىپ، بارلىق قورعا ينۆەنتاريزاتسيا جۇرگىزۋدى تالاپ ەتىپ وتىر.

استىق وڭدەۋشىلەردىڭ ايتۋىنشا، ۇكىمەت بيداي تاسىمالداۋعا كۆوتا بەرۋمەن قاتار ۇن تاسىمالداۋدى شەكتەي باستاعان. اۋىل شارۋاشىلىعى مينيسترلىگىنىڭ تۇسىندىرۋىنشە، استىق نارىعىنداعى نەگىزگى ەكى ويىنشى رەسەي مەن ۋكراينا نارىقتان ۋاقىتشا كەتىپ، كورشى نارىقتاردا سۇرانىس ارتقاندىقتان بيداي مەن ۇن تاسىمالداۋدا "اجيوتاج" تۋىنداماس ءۇشىن وسىنداي شارالار قابىلدانعان.

– بىزگە تۇركيا، پاكىستاننان يمپورتەرلەر كەلىپ جاتىر. ادەتتە ارپا ساتىپ الاتىن يران 2 ملن تونناعا دەيىن بيداي ساتىپ الاتىنىن مالىمدەدى. وسىنداي شاقتا كاسىپكەرلەر ءونىمدى قىمباتىراق ساتۋدى كوبىرەك ويلايدى، ازىق-تۇلىك قاۋىپسىزدىگى مەن ىشكى نارىقتى تولتىرۋ ماسەلەسىن سوڭىندا عانا ەسكە الادى، – دەدى اۋىل شارۋاشىلىعى مينيسترلىگىنىڭ ەگىنشىلىك دەپارتامەنتىنىڭ ديرەكتورى ازات سۇلتانوۆ "اتامەكەن" پالاتاسىنىڭ وتىرىسىندا.

ۇلتتىق ستاتيستيكا بيۋروسىنىڭ مالىمەتىنشە، 1 ناۋرىز كۇنگى جاعداي بويىنشا قازاقستاندا 5,9 ملن توننا بيداي بولعان. الايدا ديىرمەنشىلەر بۇل مالىمەتكە كۇمان كەلتىرەدى. ولاردىڭ ايتۋىنشا، بۇل دەرەك وزدەرى جۇرگىزگەن ساۋالنامادان الىنعان مالىمەتپەن مۇلدە سايكەس كەلمەيدى.

Abai.kz