تاياۋدا ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالعان تامارا دۇيسەنوۆا ءوزىنىڭ ۇكىمەتكە قايتا ورالۋى تۋرالى جۋرناليستەردىڭ سۇراعىنا جاۋاپ بەردى.

«كوپشىلىكتى مازالايتىن ءبىر سۇراق بار. تامارا دەمالدى ما؟ بۇرىنعى پرەزيدەنت نازارباەۆ ءسىزدى ءدال وسىنداي سوزبەن شىعارىپ سالعان ەدى»، دەگەن سۇراققا:

«مەن ۇنەمى جۇمىس ىستەدىم. ماعان ءبىر اي بەرىڭىزدەر، سودان كەيىن سىزدەردى مازالاعان بارلىق سۇراققا جاۋاپ بەرەمىن»،- دەدى جۋرناليستەرگە ۇكىمەت وتىرىسىنان شىققان تامارا دۇيسەنوۆا.

11 ساۋىردە تامارا دۇيسەنوۆا قايتادان ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى.

2018 جىلعى اقپاندا ەكس-پرەزيدەنت نۇرسۇلتان نازارباەۆ سول كەزدە ەڭبەك جانە حالىقتى الەۋمەتتىك قورعاۋ مينيسترلىگىن باسقارعان تامارا دۇيسەنوۆانى سىنعا العان. مينيستر سول كۇنى قىزمەتىنەن بوساتىلعان ەدى.

Abai.kz