Таяуда еңбек және халықты әлеуметтік қорғау министрі болып тағайындалған Тамара Дүйсенова өзінің үкіметке қайта оралуы туралы журналистердің сұрағына жауап берді.

«Көпшілікті мазалайтын бір сұрақ бар. Тамара демалды ма? Бұрынғы президент Назарбаев сізді дәл осындай сөзбен шығарып салған еді», деген сұраққа:

«Мен үнемі жұмыс істедім. Маған бір ай беріңіздер, содан кейін сіздерді мазалаған барлық сұраққа жауап беремін»,- деді журналистерге үкімет отырысынан шыққан Тамара Дүйсенова.

11 сәуірде Тамара Дүйсенова қайтадан еңбек және халықты әлеуметтік қорғау министрі болып тағайындалды.

2018 жылғы ақпанда экс-президент Нұрсұлтан Назарбаев сол кезде еңбек және халықты әлеуметтік қорғау министрлігін басқарған Тамара Дүйсенованы сынға алған. Министр сол күні қызметінен босатылған еді.

Abai.kz