ەgov.press پورتالىندا ۇيعىر اۋدانىنىڭ اتاۋىن وزگەرتۋ تۋرالى ارنايى پەتيتسيا جاريالانىپتى. وعان قازىردىڭ وزىندە 16 مىڭعا جۋىق ادام قول قويعان.

قر پرەزيدەنتى قاسىم-جومارت توقاەۆتىڭ اتىنا قاراتا جازىلعان پەتيتسيادا:

«جوق جەردەن جاۋ ىزدەگىمىز كەلمەيدى، بىراق ءسوزسىز شەشىلۋگە ءتيىستى ءبىر ماسەلە بار. ءماجىلىس دەپۋتاتى باقىتبەك سماعۇل ۇيعىر اۋدانىنىڭ اتاۋىن قارادالا نەمەسە شارىن دەپ وزگەرتۋگە ۇسىنىس جاسادى.

«بۇل ماسەلە كوپ جىلدان بەرى تالقىلانىپ كەلەدى. قوعام بەلسەندىلەرى بىرنەشە رەت حات جازعان. بۇقارالىق اقپارات قۇرالدارىندا قانشاما ماقالالار جاريالاندى. حالىق «بۇل ەسكى ماسەلە جاڭا قازاقستانعا اۋىسا ما؟» دەپ ءجيى سۇرايدى» دەيدى دەپۋتات.

اۋدان اتاۋىن «قارادالا» نەمەسە «شارىن» دەپ وزگەرتۋ كەرەك. نەگە شارىن؟ ويتكەنى بۇل ايماقتا شارىن وزەنى اعىپ جاتىر جانە شارىن شاتقالى ورنالاسقان.

ءبىز، قازاقستان حالقى ۇيعىر اۋدانىنىڭ اتاۋى شارىن نەمەسە قارادالا اۋدانى دەپ وزگەرتىلسىن دەپ تالاپ ەتەمىز!»، - دەپ جازىلعان.

Abai.kz