رەسەيلىك ۆتب، «سبەربانك» جانە «الفا-بانك» قازاقستان قور بيرجاسىنىڭ ساۋدا نارىعىنان كەتەدى. بۇل تۋرالى قازاقستاننىڭ قور بيرجاسى (KASE) 2022 جىلدىڭ I توقسانى بويىنشا بەرگەن قورىتىندى ەسەبىندە حابارلاعان.

KASE باسقارما توراعاسى الينا الدامبەرگەننىڭ مالىمدەۋىنشە، رەسەيلىك بانكتەرگە سانكتسيا سالىنۋىنا بايلانىستى قازاقستانداعى ۆتب، "سبەربانك" جانە "الفا-بانك" بولىمشەلەرى ۆاليۋتا جانە قور نارىعىنداعى ساۋدادان بىرتىندەپ شەتتەتىلەدى. 8 ساۋىردەن باستاپ بيرجادا ماركەت-مەيكەرلەردىڭ بولماۋىنا بايلانىستى "سبەربانك" پەن ۆتب-نىڭ اكتسيالارى ساتىلىمعا شىعارىلمادى.

KASE باسشىسى:  «الايدا، ماسكەۋ بيرجاسىنا سانكتسيا سالىنباعان، سوندىقتان ماسكەۋ بيرجاسى (MOEX) KASE-ءنىڭ 13% - ىن الىپ وتىرعانىنا جانە ونى 20% - عا دەيىن ۇلعايتۋدى جوسپارلاعانىنا قاراماستان، قازاقستان بيرجاسىنا تونەتىن قاۋىپ جوق»، - دەيدى.

الينا الدامبەرگەننىڭ ايتۋىنشا،  5 مامىردان باستاپ Kaspi.kz اكتسيالارى بيرجانىڭ نەگىزگى يندەكسىنەنە كىرەدى.

2022 جىلدىڭ I توقسانىنىڭ قورىتىندىسى بويىنشا KASE-دەگى ساۋدا-ساتتىقتىڭ جيىنتىق كولەمى 60,4 ترلن تەڭگەنى قۇرادى جانە 70% - عا (25 ترلن تەڭگە) ءوستى. سونىمەن قاتار، بيرجاداعى يندەكس 8,9% - عا تومەندەپ، نارىقتى كاپيتالداندىرۋ 18,9% - عا (5,4 ترلن تەڭگە) ازايدى.

Abai.kz