رەسەي ەۋرازيالىق ەكونوميكالىق وداق (ەاەو) ەلدەرىنە جەكە پايدالانۋعا ارنالعان تاۋارلاردى اكەلۋ قۇنى مەن سالماق نورمالارىن ارتتىرعىسى كەلەدى.

«كەدەندىك اكەلۋ باجدارىن ازايتۋ جانە ماڭىزدى يمپورتقا تاريفتىك جەڭىلدىكتەر بەرۋ تۋرالى ۇسىنىستار، سونداي-اق جەكە پايدالانۋعا ارنالعان تاۋارلاردى اكەلۋ ءۇشىن رەسەيلىك تاراپتىڭ قۇنى مەن سالماق نورمالارىن ۇلعايتۋ تۋرالى باستاماسى قارالدى»، - دەپ حابارلايدى ەۋرازيالىق ەكونوميكالىق ۆەدومستۆونىڭ ءباسپاسوز قىزمەتى.

سونداي-اق، ەاەو ىشكى نارىعىنىڭ جۇمىس ىستەۋى شەڭبەرىندە مەملەكەتتەر ەنگىزگەن شەكتەۋ شارالارىنا نازار اۋدارىلدى. «تاراپتار مەملەكەتتەردىڭ ونەركاسىپتىك كاسىپورىندارى اراسىنداعى ىنتىماقتاستىق تىزبەگىن ساقتاۋ ءۇشىن قانداي قادامدار قاجەت ەكەنىن تالقىلادى»، - دەلىنگەن حابارلامادا.

ەەك القاسىنىڭ توراعاسى ميحايل مياسنيكوۆيچ كوميسسيا كەلىسىلگەن شارالاردى جۇزەگە اسىرۋ بويىنشا كۇندەلىكتى جۇمىس جۇرگىزىپ جاتقانىنا سەندىردى.

Abai.kz