Ресей Еуразиялық экономикалық одақ (ЕАЭО) елдеріне жеке пайдалануға арналған тауарларды әкелу құны мен салмақ нормаларын арттырғысы келеді.

«Кедендік әкелу баждарын азайту және маңызды импортқа тарифтік жеңілдіктер беру туралы ұсыныстар, сондай-ақ жеке пайдалануға арналған тауарларды әкелу үшін ресейлік тараптың құны мен салмақ нормаларын ұлғайту туралы бастамасы қаралды», - деп хабарлайды Еуразиялық экономикалық ведомствоның баспасөз қызметі.

Сондай-ақ, ЕАЭО ішкі нарығының жұмыс істеуі шеңберінде мемлекеттер енгізген шектеу шараларына назар аударылды. «Тараптар мемлекеттердің өнеркәсіптік кәсіпорындары арасындағы ынтымақтастық тізбегін сақтау үшін қандай қадамдар қажет екенін талқылады», - делінген хабарламада.

ЕЭК Алқасының Төрағасы Михаил Мясникович Комиссия келісілген шараларды жүзеге асыру бойынша күнделікті жұмыс жүргізіп жатқанына сендірді.

Abai.kz