سەنبى كۇنى نۇر-سۇلتان قالاسىنىڭ ورتالىق تسيرك اۋماعىندا ونداعان ادام ميتينگ وتكىزىپ، تورعاي وبلىسىن قايتا قۇرۋدى تالاپ ەتتى. شارانى وتكىزۋگە اكىمدىك رۇقسات بەرگەن.

ميتينگىگە جينالعاندار “تورعاي ەلەۋسىز قالماسىن!”، “تورعاي ۇلتتىڭ ۇياسى!”، “توقاەۆ، تورعايدىڭ تاعدىرىنا نازار اۋدارىڭىز” دەگەن جازۋى بار پلاكاتتار مەن قوعام قايراتكەرلەرى احمەت بايتۇرسىنۇلى، مىرجاقىپ دۋلاتۇلىنىڭ سۋرەتتەرىن ۇستاپ تۇردى.

ميتينگتى ۇيىمداستىرۋشىلار ايماقتان شىققان ەسىمى بەلگىلى ادامدار تۋرالى ءسوز سويلەدى. ميتينگىدەن سوڭ جينالعاندار تورعاي وبلىسىن اشۋ تۋرالى پەتيتسياعا قول قويدى.

ناۋرىزدا قازاقستاندا تاعى ءۇش وبلىس پايدا بولاتىنى بەلگىلى بولعاننان كەيىن تورعاي وبلىسىن قايتا قۇرۋ ماسەلەسى ءجيى ايتىلا باستاعان.

Abai.kz