«2022 جىلدىڭ قاڭتار-ناۋرىز ايلارىندا رەسەيدىڭ 16 837 ازاماتى قازاقستاندا ۋاقىتشا تۇرۋعا رۇقسات الدى»، دەپ مالىمدەدى  ىىم ءباسپاسوز قىزمەتى.

رەسەيلىكتەردىڭ ەڭ كوبى – 2463 ادام قىزىلوردا وبلىسىنا تۇرۋعا كەلگەن. الماتىعا – 2116 ادام، بقو -1677 ادام، قوستاناي وبلىسىنا – 1525 ادام تۇرۋعا رۇقسات العان.

ءىىم مالىمەتتەرى بويىنشا، رەسەي فەدەراتسياسى ازاماتتارىنىڭ نەگىزگى بولىگى – 8217 ادام قىزمەت بابى بويىنشا قونىس اۋدارعان. 24 اقپان مەن 13 ءساۋىر ارالىعىندا قازاقستاندا تۇراقتى تۇرۋعا رۇقسات الۋعا 677 ءوتىنىش بەرىلگەن.

بۇعان دەيىن رەسەيدىڭ 170-كە جۋىق ازاماتى قازاقستان ازاماتتىعىن الۋعا ءوتىنىش بىلدىرگەنى، ءارى قازاقستاندا تۇرۋعا رۇقسات سۇراعان رەسەيلىكتەردىڭ سانى كوبەيگەنى تۋرالى ايتىلعان بولاتىن.

Abai.kz