"قاڭتار بۇلىگىنە" قاتىسقانى ءۇشىن $20-دان $100-عا دەيىن تولەندى، دەپ مالىمدەدى باس پروكۋراتۋرانىڭ ءبىرىنشى قىزمەت باستىعىنىڭ ورىنباسارى ەلدوس قيلىمجانوۆ.

«قاڭتار وقيعاسىنىڭ ۇيىمداستىرۋشىلارى مەن قاتىسۋشىلارىن انىقتاۋ جانە جاۋاپكەرشىلىككە تارتۋ بويىنشا تەرگەۋ بەلسەندى جۇرگىزىلۋدە. ماسەلەن، الماتى وبلىسىندا تالدىقورعان قالاسىندا تارتىپسىزدىكتەردى قارجىلاندىرعان، سونىمەن قاتار ازاماتتاردىڭ مۇلكىنە زيان كەلتىرۋگە جانە مەملەكەتتىك نىسانداردى باسىپ الۋعا ىقپال ەتكەن «و» جانە «ن» ازاماتتارى انىقتالدى. بۇلىككە قاتىسقانى ءۇشىن ءبىر ادامعا $20 - دان $100-عا دەيىن تولەندى»، - دەدى قيلىمجانوۆ سەيسەنبى كۇنى وتكەن بريفينگتە.

ونىڭ ايتۋىنشا، «بۇل فاكتىلەر تەرگەۋ بارىسىندا انىقتالدى جانە جاپپاي تارتىپسىزدىكتەرگە قاتىستى دەگەن كۇدىككە ىلىنگەن تۇلعالاردان جاۋاپ الۋ ارقىلى راستالادى».

«جامبىل وبلىسىنىڭ تۇرعىنى الماتى قالاسىندا 2022 جىلدىڭ 4 قاڭتارىندا Telegram ارناسىن اشىپ، بىرنەشە ساعات ىشىندە بىرنەشە مىڭ قاتىسۋشى جازىلدى. وسى Telegram ارناسى ارقىلى ونىڭ قاتىسۋشىلارى بارريكادالار قۇرۋ، مولوتوۆ كوكتەيلدەرىن جاساۋ، قۇقىق قورعاۋ ورگاندارىنىڭ قىزمەتكەرلەرىنە قارسىلىق كورسەتۋ جانە عيماراتتاردى باسىپ الۋ تۋرالى ەگجەي-تەگجەيلى نۇسقاۋلىق الدى. ودان كەيىن 5 جانە 6 قاڭتاردا بۇلىكشىلەردىڭ قوزعالىسى جانە ولاردىڭ جامبىل وبلىسىنداعى مەملەكەتتىك نىساندارعا شابۋىلىن تۇزەتۋ تۋرالى اقپارات كورسەتىلگەن ارنا ارقىلى جىبەرىلدى»، - دەدى قاداعالاۋشى ورگان وكىلى.

Abai.kz