مەملەكەتتىك كىرىستەر كوميتەتى 2022 جىلدىڭ 1 قاڭتارىنان باستاپ "e-Salyq ءBusiness"موبيلدى قوسىمشاسىن ازىرلەپ، قولدانىسقا ەنگىزدى. جاڭا تسيفرلىق شەشىم جەكە كاسىپكەرلەرگە سالىق مىندەتتەمەلەرىن ورىنداۋدى جەڭىلدەتۋگە ارنالعان، بۇل جاڭادان تىركەلگەن كاسىپكەرلەر ءۇشىن ەرەكشە ىڭعايلى.

قوسىمشا ارنايى موبيلدىك قوسىمشانى پايدالانۋ ارقىلى نەمەسە اعىمداعى جىلدىڭ باسىنان باستاپ ەنگىزىلگەن سالىق كودەكسىنىڭ ەرەجەلەرىنە سايكەس وڭايلاتىلعان دەكلاراتسيا نەگىزىندە ارنايى سالىق رەجيمىن قولداناتىن دارا كاسىپكەرلەردىڭ سالىق مىندەتتەمەلەرى مەن الەۋمەتتىك تولەمدەر بويىنشا مىندەتتەمەلەرىن ورىنداۋىن وڭايلاتۋعا ارنالعان.

قوسىمشانىڭ فۋنكتسيونالى جەكە كاسىپكەر رەتىندە تىركەلۋگە، سالىق رەجيمىن تاڭداۋعا جانە وزگەرتۋگە، چەكتەر بەرۋگە، كىرىستەر ءتىزىلىمىن قالىپتاستىرۋعا جانە سالىق جانە الەۋمەتتىك تولەمدەر بويىنشا مىندەتتەمەلەردى قوسىمشامەن اۆتوماتتى تۇردە ەسەپتەۋ ءۇشىن قىزمەتكەرلەردىڭ كىرىستەرىنىڭ ەسەبىن جۇرگىزۋگە جانە ءتيىستى وڭايلاتىلعان دەكلاراتسيا مەرزىمىن تولتىرۋعا مۇمكىندىك بەرەدى. پاتەنت نەگىزىندە ارنايى سالىق رەجيمىن قولداناتىن كاسىپكەرلەر "ە-Salyq بيزنەس" موبيلدىك قوسىمشاسىنىڭ پايدالانۋشىلارى بولا وتىرىپ، تابىس العانعا دەيىن الدىن الا (اۆانسپەن) سالىق جانە الەۋمەتتىك تولەمدەردى جانە پاتەنت قۇنىنىڭ ەسەپ-قيسابىن ۇسىنۋدان بوساتىلادى.

قوسىمشامەن ەسەپتەلگەن جەكە تابىس جانە الەۋمەتتىك سالىق سوماسىن ەلەكتروندىق ۇكىمەتتىڭ تولەم شليۋزىندە جاريالانعان حالىق بانكىنىڭ سەرۆيسىمەن ينتەگراتسيانى پايدالانا وتىرىپ، تىكەلەي موبيلدىك قوسىمشادا تولەۋگە بولادى.

بۇدان باسقا، كاسىپكەرلەرگە ىڭعايلى بولۋ ءۇشىن قوسىمشادا سالىق ءاميانىنىڭ سەرۆيستەرى (ونىڭ ىشىندە بەرەشەكتى قاراۋ جانە وتەۋ، ارتىق تولەمدى باسقارۋ بويىنشا), مەملەكەتتىك كىرىستەر ورگاندارىنىڭ بىرقاتار حابارلامالارىن الۋ، سونداي-اق جك قىزمەتىن وڭايلاتىلعان تارتىپپەن توقتاتۋ سەرۆيسى قولجەتىمدى. قوسىمشا "Play Market", "App Store" جانە "قولدانبالار گالەرەياسى"باعدارلامالارىندا قولجەتىمدى.

شالحار اقىلجان ابدىحاديرۇلى
الماتى قالاسى المالى اۋدانى
بويىنشا مكب جاناما سالىقتى اكىمشىلەندىرۋ
ءبولىمىنىڭ باسشىسى

Abai.kz